ନୂଆପଡା: ବଲାଙ୍ଗୀର ଜିଲ୍ଲାର ଟିଟିଲାଗଡ଼ ଠାରେ ଏକ ରାସ୍ତା ଦୁର୍ଘଟଣାରେ ନୂଆପଡା ଜିଲ୍ଲା ତୁକଲାର ଜଣେ ଯୁବକ ପ୍ରାଣ ହରାଇଛନ୍ତି।ପ୍ରାପ୍ତ ଖବର ମତେ ତୁକଲା ଗ୍ରାମର ଦିଲୀପ ଦାଶଙ୍କ ପୁଅ ରାଜେଶ କୁମାର ଦାଶ(୨୬)ଟିଟିଲାଗଡ଼ରେ ରହି ଏକ ଫାଇନାନ୍ସ କମ୍ପାନୀରେ କାମ କରୁଥିଲେ। ଆଜି ସକାଳୁ କମ୍ପାନୀ କାମରେ ନିଜ ସ୍କୁଟିରେ ଯାଉଥିବା ବେଳେ ଝାରଦେବନ ଠାରେ ସକାଳ ଘ.୮.୧୫ମି.ରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲେ।
ତାଙ୍କୁ ଗୁରୁତର ଅବସ୍ଥାରେ ଆମ୍ବୁଲାନ୍ସ ଯୋଗେ ଟିଟିଲାଗଡ଼ ଡାକ୍ତରଖାନା ନିଆ ଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଟିଟିଲାଗଡ଼ ପୁଲିସ ଶବ ଜବତ କରି ପୋଷ୍ଟମର୍ଟମ ପାଇଁ ପଠାଇବା ସହ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ କରୁଛନ୍ତି। ରାଜେଶ ଜଣେ ସରଳ ଓ ଅମାୟିକ ବ୍ୟକ୍ତିତ୍ୱ ଥିଲେ। ତାଙ୍କର ବିୟୋଗରେ ତୁକଲା ଅଞ୍ଚଳ ଓ ଚିହ୍ନା ପରିଚୟ ମହଲରେ ଶୋକର ଛାୟା ଖେଳି ଯାଇଛି।
