ପାରଳାଖେମୁଣ୍ଡି – ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ ଲଗାଣ ବର୍ଷା ଜାରୀ ରହିଛି । ଗଜପତି ଜିଲ୍ଲାର ଗୁମ୍ମା ବ୍ଲକର ତିପିସିଂ-କୁଲମ୍ ମଧ୍ୟରେ ପାହାଡ଼ ଧସି ୨୦ ଘର ଭାଙ୍ଗି ଯାଇଛି । ଏଥିସହ ୫୦ରୁ ଉଦ୍ଧ୍ୱର୍ ଘର ଆଂଶିକ ନଷ୍ଟ ହୋଇଛି । ବାସହରା ଲୋକେ ଏବେ ପିଲାଛୁଆ ଧରି ଖୋଲା ଆକାଶ ତଳେ ମୁଣ୍ଡ ଗୁଞ୍ଜିଛନ୍ତି । ଅନ୍ୟପକ୍ଷରେ ପାହାଡ଼ ଧସିବା ଖବର ପାଇ ଗୁମ୍ମା ବିଡ଼ିଓ ଘଟଣାସ୍ଥଳରେ ପହଂଚିଛନ୍ତି । ପ୍ରଶାସନ ପକ୍ଷରୁ ବିପନ୍ନଙ୍କୁ ସହାୟତା ଯୋଗାଇଦେବା ନିମନ୍ତେ ଉଦ୍ୟମ ଆରମ୍ଭ ହୋଇଛି ।
