BSNL ଅଧୀନରେ ଥିବା ଜିଲ୍ଲା ସଦର ମହକୁମାର ସମସ୍ତ ଟାୱାର ଓ ଏକ ମାତ୍ର ଏକ୍ସଚେଞ୍ଜ ରୁ ବିଦ୍ୟୁତ ସଂଯୋଗକୁ ଛିନ୍ନ କରିଛି ବିଜୁଳି ବିଭାଗ । ଦୀର୍ଘଦିନ ଧରି ଜିଲ୍ଲା ସଦର ମହାକୁମାରେ ଥିବା ଅଫିସର ୭ଲକ୍ଷ ୩୬ହଜାର ୨୧୧ ଟଙ୍କାର ବିଦ୍ୟୁତ ବିଲ ବକେୟା ଥିବା ବେଳେ ସଦର ମହକୁମାର ମାଇକ୍ରୋ ଟାୱାର ର ୧ ଲକ୍ଷ ୪୬ ହଜାର ୩୪୪ଟଙ୍କା, ମାଉଲିମନ୍ଦିର ସାହି ଟାୱାର ର ୫ ଲକ୍ଷ ୭୦ ହଜାର ୪୭୨ ଟଙ୍କା, ରିକ୍ଳାମେସନ କଲୋନୀ ଟାୱାର ର ୧ ଲକ୍ଷ ୩୬ ହଜାର ୯୭୦ ଟଙ୍କା ଓ ଚାଲାଣଗୁଡା ଟାୱାର ର ୧ ଲକ୍ଷ ୨୫ ହଜାର ୮୨୬ ଟଙ୍କା ବକେୟା ରହିଛି । ଯେଉଁଥି ପାଇଁ ଆଜି ବିଜୁଳି ବିଭାଗ ଏଭଳି ପଦକ୍ଷେପ ନେଇଛି । ତେବେ ଏ ନେଇ ଆମେ ଅଧିକାରୀଙ୍କ ସହ ଯୋଗାଯୋଗ କରିବା ପାଇଁ ଚେଷ୍ଟା କରିଥିବା ବେଳେ ତାଙ୍କ ସହ ଯୋଗାଯୋଗ ହୋଇ ପାରିନାହୀ । ଅନ୍ୟ ପଟେ ଜିଲ୍ଲାର ଅନ୍ୟ ବ୍ଲକ ଗୁଡିକରେ ମଧ୍ୟ ଏହି ସମାନ ସ୍ଥିତି ଥିବା ବିଜୁଳି ବିଭାଗର ଅଧିକାରୀ କହିଛନ୍ତି। ଏହାସହ ଜିଲ୍ଲାର ବହୁ ସରକାରି କାର୍ଯ୍ୟାଳୟ ଗୁଡିକର ବିଦ୍ୟୁତ ବିଲ ବକେୟା ରହିଛି ଓ ଆଗାମୀ ଦିନରେ ଏହି ସରକାରୀ କାର୍ଯ୍ୟାଳୟ ଗୁଡିକରୁ ମଧ୍ୟ ବିଦ୍ୟୁତ ସଂଯୋଗ ଛିନ୍ନ କରାଯିବାର ସମ୍ଭାବନା ଥିବା ସୂଚନା ମିଳିଛି ।
