-
ନୂତନ ବସ ଷ୍ଟାଣ୍ଡରୁ ଗଡ଼ିଲା ବସ
ବସ ଗଡ଼ିବା ଆରମ୍ଭ ହୋଇଛି।ଏହି ଅବସରରେ ଆୟୋଜିତ ଏକ ସାଧାରଣ ସଭାରେ ମନ୍ତ୍ରୀ ଆରୁଖ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।ଏଥି ସହ କନ୍ଧମାଳ ସାଂସଦ ପ୍ରତିନିଧି ଦିବାକର ନାୟକ, ଘରୋଇ ବସ ମାଲିକ ସଂଘର ସଭାପତି ଗୋପବନ୍ଧୁ ମହାପାତ୍ର,ଉପସଭାପତି ଏ. ବେଣୁ ଗୋପାଳ,ସମ୍ପାଦକ ବିପ୍ର ଚରଣ ବାରିକ, ସହ ସମ୍ପାଦକ ସୁବାଷ ଚନ୍ଦ୍ର ଦିହୁଡ଼ି,ଆରଟିଓ ଦାୟୀତ୍ୱ ରେ ଥିବା ଭାଗିରଥି ନାୟକ ମଞ୍ଚରେ ଉପସ୍ଥିତ ଥିଲେ।କାର୍ଯ୍ୟକ୍ରମକୁ ଶୂଳପାଣି ଶତପଥି ସଂଯୋଜନା କରିଥିଲେ।ବସ ଷ୍ଟାଣ୍ଡ କୁ ଲାଗି ରହିଥିବା ନୂତନ ଦୋକାନ ଗୃହକୁ ବିଭିନ୍ନ ବର୍ଗର ଲୋକଙ୍କୁ ବଣ୍ଟନ କରାଯାଇଥିବା ବେଳେ ଉଠା ଦୋକାନୀ ମାନଙ୍କ ଥଇଥାନ ପାଇଁ ଅତିଶୀଘ୍ର ୨୪ଟି ନୂତନ ଦୋକାନ ଗୃହ ନିର୍ମାଣ କରିବା ପାଇଁ ମନ୍ତ୍ରୀ ଘୋଷଣା କରିଥିଲେ।ଏଥି ସହ ମନ୍ତ୍ରୀ ଆରୁଖ ବସଷ୍ଟାଣ୍ଡକୁ ବୁଲି ଦେଖିଥିଲେ।ଏହାପରେ ଅପରାହ୍ନରେ ବ୍ଲକ ରାସ୍ତାରେ ବହୁମୁଖୀ ଗୋଷ୍ଠୀ କେନ୍ଦ୍ରର ଶିଳାନ୍ୟାସ,୧୨ନଂ ୱାର୍ଡରେ କମ୍ୟୁନିଟି ସେଣ୍ଟର,ମେଡ଼ିକାଲ ନିକଟରେ ନୂତନ ଶୌଚାଳୟର ଶିଳାନ୍ୟାସ,୧୫ନଂ ୱାର୍ଡରେ ଏକ କମ୍ୟୁନିଟି ସେଣ୍ଟର,୩କୋଟି ଟଙ୍କା ବ୍ୟୟରେ ଲୋହାରଖଣ୍ଡି ନଦୀର ପୁନରୁଦ୍ଧାର,ଆଦର୍ଶ ସ୍ମଶାନ ନିର୍ମାଣ କାର୍ଯ୍ୟର ଶୁଭାରମ୍ଭ କରିଥିଲେ।ଏହି ସମସ୍ତ କାର୍ଯ୍ୟରେ ବହୁ ଦଳୀୟ ନେତୃବୃନ୍ଦ, କର୍ମୀମାନେ ଉପସ୍ଥିତ ଥିଲେ।
ଭଞ୍ଜନଗର ରୁ ଜୟକୃଷ୍ଣ ପଟ୍ଟନାୟକ ଙ୍କ ରିପୋର୍ଟ….
