-
ନଗଦ ୬୮୦୦ ଟଙ୍କା ଜବତ
ଗଞ୍ଜାମ, ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ଅନ୍ତର୍ଗତ କୁଲାଗଡ଼ ଗ୍ରାମରେ ଦୀର୍ଘ ଦିନ ହେଲା ଏକ ଜୁଆ ଆଡ୍ଡା ଚାଲିଥିବା ସମ୍ପର୍କରେ ଖବର ପାଇ ଗତକାଲି ବିଳମ୍ବିତ ପୋଲିସ ପକ୍ଷରୁ ସେଠାରେ ଚଢ଼ଉ କରାଯାଇଥିଲା । ଶେରଗଡ଼ ପୋଲିସ ପକ୍ଷରୁ ଏହି ଚଢ଼ଉ ବେଳେ ଘଟଣାସ୍ଥଳରୁ ୮ ଜଣ ଜୁଆଡ଼ିଙ୍କୁ ଗିରଫ କରାଯିବା ସହ ସେମାନଙ୍କ ନିକଟରୁ ନଗଦ ୬୮୦୦ ଟଙ୍କା ଓ ଖେଳରେ ବ୍ୟବହୃତ ତାସ୍ ମୁଠାକୁ ପୋଲିସ ଜବତ କରିଛି । ଏ ସଂକ୍ରାନ୍ତରେ ଶେରଗଡ଼ ଥାନାରେ ୧୧୭/୨୧ ରେ ଏକ ମାମଲା ରୁଜ୍ଜୁ କରାଯାଇଛି ଏବଂ ଗିରଫ ଅଭିଯୁକ୍ତ ମାନଙ୍କୁ କୋର୍ଟଚାଲାଣ କରାଯାଇଥିବା ନେଇ ଥାନା ଅଧିକାରୀ ମମତା ସାମନ୍ତରାୟ ସୂଚନା ଦେଇଛନ୍ତି ।
