ଇଣ୍ଡୋ କଳିଙ୍ଗ ଟାଇମ୍ସ । ଓଡ଼ିଆ ନିଉଜ। ନା ଅଟକିବ, ନା ନଇଁବ । Odia News Portal । Indo Kaling Times।
ଭବାନୀପାଟଣା, କଳାହାଣ୍ଡି ଜିଲ୍ଲାର ଜୁନାଗଡ଼ ନିକଟରେ ଅ।ଜି ସକାଳେ ଘଟିଯାଇଥିବା ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ତିନି ଜଣଙ୍କ ମୃତ୍ୟୁ ଘଟିଥିବା ବେଳେ ଦୁର୍ଘଟଣାରେ ଜଣେ ଗୁରୁତର ଭାବେ ଅ।ହତ ହୋଇଛନ୍ତି ।ସୂଚନା ଅନୁଯାୟୀ, ଚାରିଜଣ ଲୋକ ଏକ ବାଇକ୍ ଯୋଗେ ଆସୁଥିବା ବେଳେ ବାଇକ୍ ଟି ଏଠାରେ ଭାରସାମ୍ୟ ହରାଇ ଏକ ଗଛରେ ଧକ୍କା ଦେଇଥିଲା । ଫଳରେ ତିନି ଜଣଙ୍କ ମୃତ୍ୟୁ ଘଟିଥିଲା । ଗୁରୁତର ଜଣକ ଜୁନାଗଡ଼ ଡ଼ାକ୍ତରଖାନାରେ ଚିକିତ୍ସାଧିନ ରହିଛନ୍ତି । ମୃତକ ମାନେ ହେଲେ ମେରିଆ ବନ୍ଧର ଦୁଇଭାଇ ପିଣ୍ଟୁ ମାଝୀ ଓ ସଦାନନ୍ଦ ମାଝୀ ଏବଂ ଚଚରା ଭାଡ଼ିର ରାଜୁ ବଗର୍ତି । ଝାରବନ୍ଧର ମୁକେଶ ମାଝୀ ଗୁରୁତର ଅବସ୍ଥାରେ ଜୁନାଗଡ଼ ଡାକ୍ତରଖାନାରେ ଭର୍ତ୍ତୀ ହୋଇଛନ୍ତି । ମୃତକଙ୍କ ପରିବାର ଲୋକେ କ୍ଷତିପୂରଣ ଓ ଘଟଣାର ଉଚିତ୍ ତଦନ୍ତ କରିବାକୁ ଦାବି କରିଛନ୍ତି । ଏହା ଦୁର୍ଘଟଣା ନୁହେଁ ବରଂ ସେମାନଙ୍କୁ ହତ୍ୟା କରାଯାଇଛି ବୋଲି ଅଭିଯୋଗ କରିବା ସହ ଜୁନାଗଡ଼ ଥାନା ରାଜାରାସ୍ତା ନଂ 26. କୁ ଅବରୋଧ କରିଛନ୍ତି । ସମସ୍ତଙ୍କୁ ପୋଲିସ ବୁଝା ସୁଝା କରୁଛନ୍ତି । ରାଜ ରାସ୍ତାର ଦୁଇ ପଟେ ଗାଡି ମୋଟର ଜାମ୍ ହୋଇ ଗମନା ଗମନ ବାଧାପ୍ରାପ୍ତ ହୋଇଛି ।
