ଜମି ବିବାଦକୁ ନେଇ ଗଣ୍ଡଗୋଳ ଜଣେ ଗିରଫ

ମାଲକାନଗିରି, ମାଲକାନଗିରି  ଥାନା ଶିଖ୍‌ପାଲ୍ଲୀ ପଞ୍ଚାୟତ ଅନ୍ତର୍ଗତ  ଏମ.ଭି-୧୭ ଗ୍ରାମର  ମାଲ କାନଗିିରି  -ମୋଟୁ ୩ ୨ ୬ ଜାତୀୟ ରାଜପଥ   କଡରେ ଥିବା ଏକ ଜମିର  ସିମା ବିବାଦକୁନେଇ ଉଭୟ ପକ୍ଷଙ୍କ ମଧ୍ୟରେ ମାଡପିଟ୍ ଘଟଣାରେ ଜଣେ ମହିଳା ଓ ତାଙ୍କ ପୁଅ  ଙ୍କୁ ଆକ୍ରମଣ ଯୋଗୁଁ  ହାତ  ଭାଙ୍ଗି ଯିବା ଘଟଣାକୁ ନେଇ ମାଲକାନଗିରି ଥାନାରେ ମାମଲା ରୁଜୁ ହୋଇଛି  । ମାଲକାନଗିିରି ଥାନା କେସ୍ ନମ୍ବର ୨୦୬ ଅନୁଯାୟୀ କେସ୍‌ର ତଦନ୍ତ କରାଯାଇ ଅମିତ ମଣ୍ଡଳ  ନାମକ ଜଣେ ବ୍ୟକ୍ତିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଘଟଣାରୁ ପ୍ରକାଶ ଉସାରାଣି ଶିଲଙ୍କ  ପୁଅ ସୁଜନ ମଣ୍ଡଳ ରାସ୍ତା  କଡରେ ଏକ ଘର କରି ହୋଟେଲ ବ୍ୟବସାୟ କରୁଥିଲେ । ତାଙ୍କ ସିମାକୁ ଲାଗି ଅମିତ ମଣ୍ଡଳ  ଏକ ଛୋଟ ଘର କରି ସେହି ସ୍ଥାନରେ ବ୍ୟବସାୟ କରୁଥିଲେ । କୌଣସି କାରଣରୁ ସିମା ବିବାଦକୁ ନେଇ ଉଭୟଙ୍କ ମଧ୍ୟରେ ଗଣ୍ଡଗୋଳ ହୋଇ ମାରପିଟ  ହୋଇଥିଲା । ଏଥିରେ ଅମିତ ମଣ୍ଡଳ  , ପର‌ଜିତ ମଣ୍ଡଳ  , ସୁଜିତ ମଣ୍ଡଳ  ପ୍ରତିପକ୍ଷ ସୁଜନ ଶିଲ , ଉସାରାଣି ଶିଲ , ଏବଂ ସୁଜନଙ୍କ  ଭାଉଜ ବିଜୁଳି ଶିଲ ଓ  ମାମୁଁ ଲବ କବିରାଜଙ୍କୁ ଆକ୍ରମଣ କରିଥିଲେ । ଯାହାଫଳରେ ସୁଜନ ସିଲ ଙ୍କ  ହାତ ଭାଙ୍ଗିବା ସହ , ମାଆ ଉସାରାଣୀଙ୍କର ହାତ ଭାଙ୍ଗି ଯାଇଛି । ସେମାନେ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡିଛି । ସେହିପରି ଅପରପକ୍ଷରେ ସୁଜନ, ତାଙ୍କର ମାଆ ଉଷାରାଣିଙ୍କ ବିରୁଦ୍ଧରେ ପାଲଟା ଆକ୍ରମଣ କରିଥିବାର ଅମିତ ଓ ପରଜିତ ଅଭିଯୋଗ କରିଛନ୍ତି । ଅମିତ , ପରଜିତ ଓ ସୁଜିତ ମଧ୍ୟ ଚିକିତ୍ସାଳୟରେ ଚିକିତ୍ସା ହେଉଛନ୍ତି । ସୁଜନ ଏବଂ  ତାଙ୍କ ମାଆ ଉଷାରାଣି ଅଭିଯୋଗ କରିଛନ୍ତି ଯେ ଆମକୁ ଜୀବନରେ ମାରିଦେବା ପାଇଁ ଧମକ ଦିଆଯାଉଛି । ଏହାକୁ ଅମିତ ଏବଂ ତାଙ୍କପରିବାର ଅଶ୍ୱିକାର କରିଛନ୍ତି । ଅମିତକୁ  କୋର୍ଟ ଚାଲାଣ କରାଯାଇଥିବା ବେଳେ ସେ ଜାମିନରେ  ଯାଇଥିବା ଜଣାପଡିଛି ।  ଏହି ଗଣ୍ଡଗୋଳ ସମ୍ପର୍କ ରେ  ଅଧିକ ତଦନ୍ତ ଜାରି ରହି ଥିବା ମାଲକାନଗିରି ଆଇ.ଆଇ.ସି ରାମ ପ୍ରସାଦ ନାଗ ପ୍ରକାଶ କରିଛନ୍ତି ।