ଗଞ୍ଜାମ, ଗଞ୍ଜାମ ଜିଲ୍ଲା ଶେରଗଡ ବ୍ଲକର ପିତ୍ତଳ ବାଳିକା ପ୍ରାଥମିକ ବିଦ୍ୟାଳୟରେ ତିନି ଦିନିଆ ବିଦ୍ୟାଳୟ ପରିଚାଳନା କମିଟି ସଭ୍ୟ ସଭ୍ୟାଙ୍କ ତାଲିମ୍ ଶିବିର ଅନୁଷ୍ଠିତ ହେଉଛି । ଶିକ୍ଷାବିତ ତଥା ବରିଷ୍ଠ ସାମ୍ବାଦିକ ଡାକ୍ତର ହୃଷୀକେଶ ମହାନ୍ତି ମୂଖ୍ୟ ଅତିଥି ରୂପେ ଯୋଗଦେଇ ପ୍ରଦୀପ ପ୍ରଜ୍ଜଳନ କରି ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରି କମିଟି ସଭ୍ୟ ସଭ୍ୟାଙ୍କ ଦାୟିତ୍ୱ ଓ କର୍ତ୍ତବ୍ୟ ସଂପର୍କରେ ଉଦବୋଧନ ଦେଇଥିଲେ । ପ୍ରଧାନ ଶିକ୍ଷୟତ୍ରୀ ସୁନୀତି ଦାଶ, ସହକାରୀ ଟି. କୃଷ୍ଣା ଓ ଶିକ୍ଷୟତ୍ରୀ ଏନ୍ ରେଖା ସରକାରଙ୍କ ଗାଇଡ ଲାଇନ୍ ଅନୁସରଣ କରି ତାଲିମ ପ୍ରଦାନ କରିଥିଲେ । ଏଥିରେ ସଭାପତି ରାମହରି ସାହୁ ଓ ସଭ୍ୟ ସଭ୍ୟା ତଥା ଅଭିମନ୍ୟୁ ଡାକୁଆ, ଏ. ପଦ୍ମାବତୀ, ଭାରତୀ ପାତ୍ର, ମାମା ନାୟକ, ସିମାଂଚଳ ସେନାପତି, ଭଗବାନ ସାହୁ, ରବି ସେଠୀ, ଝିଲି ଗନ୍ତାୟତ, ମିତା ନାୟକ, ସୁଜନ୍ତୀ ପ୍ରଧାନ, ସନ୍ତୋଷ ନାୟକ, ପୁଷ୍ପାଞ୍ଜଳି ପଣ୍ଡା, ବି. ସରୋଜିନୀ, ରୀତା ମହାପାତ୍ର ପ୍ରମୁଖ ଏହି ତାଲିମ କେନ୍ଦ୍ରରେ ଅଂଶଗ୍ରହଣ କରିଥିଲେ ।
