ମାଲକାନଗିରି, ମାଲକାନଗିରି ସଦର ମହକୁମା ବୁଟିଗୁଡା ପ୍ରାଥମିକ ବିଦ୍ୟାଳୟ ପରିସରରେ ପାଞ୍ଚ ଦିନିଆ କନିଷ୍ଠ ରେଡ଼କ୍ରସ କାଉନସିଲର ତାଲିମ୍ ଶିବିର ଜିଲ୍ଲା ବିଜ୍ଞାନ ପରିଦର୍ଶକ କୃଷ୍ଣଚନ୍ଦ୍ର ବେବର୍ତ୍ତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଜିଲ୍ଲା ଶିକ୍ଷାଧିକାରୀ ରମେଶ ଚନ୍ଦ୍ର ସେଠି ଶିବିରକୁ ଉଦଘାଟନ କରିଥିଲେ । ଶିବିରରେ କିଶୋର ଚନ୍ଦ୍ର ବେହେରା, ବିଦ୍ୟାଳୟର ପ୍ରଧାନଶିକ୍ଷକ ପ୍ରକାଶ ଚନ୍ଦ୍ର ନାୟକ, ସାଧନକର୍ମୀ ଯଜ୍ଞେଶ୍ୱର ପଣ୍ଡା, ରଶ୍ମିରଞ୍ଜନ ଜେନା ଓ ଅଜୟ କୁମାର ସ୍ୱାଇଁ ଉପସ୍ଥିତ ରହି ତାଲିମ୍ ପ୍ରଦାନ କରିଥିଲେ । ଆଜି ସାରା ବିଶ୍ୱରେ ରେଡ଼କ୍ରସ ମାଧ୍ୟମରେ କିପରି ସାଧାରଣ ଲୋକଙ୍କ ସମସ୍ୟା ଦୂର ହେଉଛି ଏବଂ ରେଡ଼କ୍ରସର ଭୂମିକା ସମ୍ବନ୍ଧୀୟ ତାଲିମ୍ ପ୍ରଦାନ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଶିକ୍ଷା ପରିଦର୍ଶକ ରତିକାନ୍ତ ରାଉତ ଓ ସନଦେଇ ପ୍ରଧାନ ଉପସ୍ଥିତ ରହି ଶିବିର ପରିଚାଳନା କରିଥିଲେ । ଏହି ଶିବିରରେ ୫0 ରୁ ଉର୍ଧ୍ୱ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ ।
