ଘାଟିରୁ ଖସିଲା ଟ୍ରକ୍  : ଡ଼୍ରାଇଭର ମୃତ, ହେଲପର୍ ଗୁରୁତର  

କେନ୍ଦୁଝର,  ଆଜି ସକାଳୁ କେନ୍ଦୁଝର ଟାଉନ୍ ଥାନା ଅନ୍ତର୍ଗତ ଜୁଡ଼ିଆଘାଟି ତଳକୁ ଏକ ଟ୍ରକ୍ ଭାରସାମ୍ୟ ହରାଇ ଖସି ପଡିବା ଫଳରେ ଟ୍ରକ୍ ଡ଼୍ରାଇଭରଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ହେଲପର୍ ଗୁରୁତର ହୋଇଛି । କେନ୍ଦୁଝର ଅଗ୍ନିଶମ ବାହିନୀ ଟ୍ରକର ହେଲପରକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରିଛନ୍ତି । ଟ୍ରକ୍ ଟି କୋଲକାତା ଯାଉଥିବାର ସୂଚନା ମିଳିଥିବା ବେଳେ ମୃତ ଡ଼୍ରାଇଭରର ପରିଚୟ ବର୍ତମାନ ସୁଦ୍ଧା ମିଳିପାରିନାହିଁ । ଟାଉନ୍ ଥାନା ଦୁର୍ଘଟଣାଗ୍ରସ୍ତ ଟ୍ରକ୍ କୁ ଜବତ କରିବା ସହ ଘଟଣାର ତଦନ୍ତ ଚଳାଇଛି ।