ମୋ ସରକାର ଯୋଜନା କେମିତି ଚାଲିଛି; ନିରୀକ୍ଷଣ କଲେ ୫-ଟି ସଚିବ : ରୋଗୀ କହିଲେ ଡାକ୍ତର ମାନେ ମୋବାଇଲରେ ବେଶି ବ୍ୟସ୍ତ ରହୁଛନ୍ତି

ତେବେ ମାତ୍ର ଅଧ ଘଂଟା ସେ ଆରଜିଏଚ ଭିତରେ ରହି ଫେରିଥିବା ବେଳେ ମାତ୍ର ଅଧଘଂଟା ଲାଗି ଗତକାଲି ସକାଳୁ ବିଳମ୍ବିତ ରାତି ଯାଏ ପୁଣି  ଆଜି ଦିନ ୧୦ଟା ଯାଏ ଡାକ୍ତରଖାନା ଭିତରେ ବାହାରେ ଯେଉଁଭଳି ଝଡ ତୋଫାନ ବେଗରେ କାମ ହେଲା ତାହା ମଧ୍ୟ ଆଲୋଚନାର ବିଷୟ ହୋଇଛି । ଡାକ୍ତରଖାନାର ଚର୍ତୁପାଶ୍ୱର୍ ଓ ପରିସର ସଫା କରାଜିବା ସହ ଚାରିଆଡେ ବ୍ଲିଚିଂ ପକାଗଲା । ୱାର୍ଡ ଗୁଡିକରେ ରିଫ୍ରେସର ମାରି ପୁରା ଡାକ୍ତରଖାନାକୁ ମହକାଇ ଦିଆଯାଇଥିବା ଦେଖାଯାଇଥିଲା । ପାଇଖାନା ଗୁଡିକରେ ଲାଗି ରହୁଥିବା ମଇଳା ଅନ୍ତତଃ ଆଜି ସଫା ହୋଇଗଲା । ଏହାର ତଦାରଖ ଲାଗି ଗତକାଲି ରାତି ୧୦ଟାରୁ ଖୋଦ ବିଧାୟକ ମଧ୍ୟ ଉପସ୍ଥିତ ଥିଲେ । ରୋଗି ମାନଙ୍କୁ ଆଜି ଭାରି ଭଲ ଖାଦ୍ୟ ମଧ୍ୟ ଦିଆ ଗଲା, ଯାହା ସେମାନେ ଗତକାଲି ଦେଖିବାକୁ ପାଇନଥିଲେ ତାହା ଆଜି ଖାଇଲେ । ଆଜି ମଧ୍ୟ କାହାରିକୁ ଔଷଧ କିଣିବାକୁ ପଡିନି । ସମସ୍ତ ପ୍ରକାର ପରୀକ୍ଷା କେନ୍ଦ୍ରରେ ରୋଗୀ ମାନଙ୍କୁ ଡାକି ଡାକି ଆଜି ପରୀକ୍ଷା କରାଯାଇଥିବା ରୋଗୀମାନେ କହିଛନ୍ତି । ଏଭଳି ବ୍ୟବସ୍ଥା ଆଜି ଦେଖି କେତେକ ରୋଗୀ କହିଛନ୍ତି ସେ ଯେଉଁ ସାର୍ ଆଜି ଆସିଥିଲେ ସେ ସବୁଦିନ  ଆସିଲେ ଆମେ ଟିକେ ଭଲ ସେବା ପାଇପାରନ୍ତୁ । କିନ୍ତୁ ସେମାନଙ୍କୁ ଜଣା ନାହିଁ କିଏ ଆସିଥିଲେ । ତେବେ ସୁନ୍ଦରଗଡରେ ଏହି ଟିମ୍ ର କାର୍ଯ୍ୟାନୁÂାନ ପରେ ଆଜି ଜିଲ୍ଲା ବ୍ୟାପି ଅଧିକାରୀ ମହଲରେ ଏକ କୋକୁଆଭୟ ସୃଷ୍ଟି ହୋଇଛି । ଏହି ସ୍ପିରିଟକୁ ଜିଲ୍ଲାପାଳ କେତେଦିନ ବଜାୟ ରଖି ଜିଲ୍ଲାବାସୀଙ୍କୁ ସେବା ଯୋଗାଇଦେବା ସହ ମୋ ସରକାର ଯୋଜନାକୁ ସଫଳ କରାଇବାରେ ସକ୍ଷମ ହେଉଛନ୍ତି ତାହା ଦେଖିବାକୁ ବାକି ରହିଲା ।