ଆଜି  ବିଜେଡିର ୨୪ତମ ପ୍ରତିଷ୍ଠା ଦିବସ 

ଭୁବନେଶ୍ୱର- ଆଜି ଶନିବାର ଭୁବନେଶ୍ୱର ବିଜେଡି ରାଜ୍ୟ କାର୍ଯ୍ୟାଳୟଠାରେ  ବିଜୁ ଜନତା ଦଳ ତାର ୨୪ତମ ପ୍ରତିଷ୍ଠା ଦିବସ ପାଳନ କରିବ ।  ଏହି ଅବସରରେ ପୂର୍ବାହ୍ନରେ ଫରେଷ୍ଟ ପାର୍କସ୍ଥିତ ବିଜୁ ବାବୁଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରାଯିବ । ପରେ ରାଜ୍ୟ କାର୍ଯ୍ୟାଳୟରେ ଏକ ସମାବେଶ ଆୟୋଜିତ ହେବ । ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସିଂ ଯୋଗେ  ସମାବେଶରେ ଯୋଗଦେଇ ଉପସ୍ଥିତ କର୍ମୀଙ୍କୁ ଉଦବୋଧନ ଦେବେ ।

 ଏଥିରେ ଦଳର ବରିଷ୍ଠ ନେତୃବୃନ୍ଦ , ଭୁବନେଶ୍ୱରର ୩ ଜଣ ବିଧାୟକଙ୍କ ସମେତ ସାଂଗଠନିକ ଜିଲ୍ଲା କମିଟିର କର୍ମକର୍ତା ପ୍ରମୁଖ ଯୋଗଦେବେ । ପରେ କ୍ୟାପିଟାଲ ହସ୍ପିଟାଲ ଓ ବୃଦ୍ଧାଶ୍ରମରେ କର୍ମୀଙ୍କ ଦ୍ୱାରା ଫଳ ବଂଟନ କରାଯିବ ବୋଲି ଭୁବନେଶ୍ୱର ଜିଲ୍ଲା ସଭାପତି ତଥା ବିଧାୟକ ସୁଶାନ୍ତ ରାଉତ ଏକ ପ୍ରେସ୍ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛନ୍ତି ।

ଉଲ୍ଲେଖ୍ୟଯୋଗ୍ୟ ଯେ କୋଭିଡ୍ ନିୟମ ପାଳନ କରି ରାଜ୍ୟର ପ୍ରତ୍ୟେକ ନିର୍ବାଚନମଣ୍ଡଳସ୍ତରରେ ବିଜେଡିର ପ୍ରତିଷ୍ଠା ଦିବସ ପାଳନ କରିବାକୁ  ଗତ ୨୨ ତାରିଖରେ ମୁଖ୍ୟମନ୍ତ୍ରୀ ଦଳର ସମସ୍ତ କର୍ମକର୍ତାଙ୍କୁ ଚିଠି ଲେଖିଥିଲେ ।