ଆମେରିକାରେ ପ୍ରଥମ କରୋନା ଟିକା ନର୍ସଙ୍କୁ ଦିଆଗଲା, ଡୋନାଲ୍ଡ ଟ୍ରମ୍ପ ଜଣାଇଲେ ଶୁଭେଚ୍ଛା 

ନୂଆଦିଲ୍ଲୀ,ଆମେରିକାରେ ସୋମବାର କରୋନା ଟିକାର ପ୍ରଥମ ଡୋଜ ଦିଆଯାଇଛି । ଟିକାର ପ୍ରଥମ ଡୋଜ ନ୍ୟୁୟର୍କର ଜଣେ ନର୍ସ ସେଣ୍ଡ୍ରା ଲିଣ୍ଡସକୁ ଦିଆଯାଇଛି । କରୋନା ଟିକାକରଣର ଏହି କାର୍ଯ୍ୟକ୍ରମ ଲାଇଭ ଟିଭିରେ ମଧ୍ୟ ଦେଖାଯାଇଛି । କରୋନାର ଟିକା ନେବା ପରେ ନର୍ସ ସେଣ୍ଡ୍ରୋ କହିଛନ୍ତି, ମୁଁ ଆଜି ବହୁତ ଖୁସି ଅନୁଭବ କରୁଛି ।

ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଟୁଇଟ କରି ଖୁସି ଜଣାଇଛନ୍ତି । ସେ କହିଛନ୍ତି, ଆମେରିକାରେ କରୋନା ଟିକାର ପ୍ରଥମ ଡୋଜ ଦିଆଯାଇଛି । ଟ୍ରମ୍ପ ନିଜର ଟୁଇଟର ଆକାଉଣ୍ଟରେ କହିଛନ୍ତି ଯେ, ଆମେରିକାକୁ ଶୁଭେଚ୍ଛା ଜଣାଉଛି । ପ୍ରଥମ ଟିକାର ଡୋଜ ଦିଆଯାଇଛି । ସମଗ୍ର ବିଶ୍ୱକୁ ଶୁଭେଚ୍ଛା ଜଣାଉଛି ।