ରେସପଣ୍ଡ ଟ୍ରଷ୍ଟ ତରଫରୁ ୩ସାମ୍ବାଦିକ ୨ଡାକ୍ତରଙ୍କୁ କରୋନା ଯୋଦ୍ଧାରେ ସମ୍ବର୍ଦ୍ଧିତ

ବ୍ରହ୍ମପୁର: ଚଳିତ ବର୍ଷ ପ୍ରଥମରୁ ଦେଖା ଦେଇଥିବା କରୋନା ମହାମାରୀ ସମଗ୍ର ବିଶ୍ୱର ମେରୁଦଣ୍ଡକୁ ଦୋହଲାଇ ଦେଇଛି । ଏହି ଘଡିସନ୍ଧି ମୂହୁର୍ତ୍ତରେ କରୋନା ଯୋଦ୍ଧା ଭାବେ ଆଗକୁ ଆସି ଲୋକଙ୍କୁ ସେବା ଓ ସଚେତନତା କରାଇଥିବା ସହରର ୩ ସାମ୍ବାଦିକ ଓ ୨ଜଣ ବରିଷ୍ଠ ଡାକ୍ତରଙ୍କୁ ରେସପଣ୍ଡ ଟ୍ରଷ୍ଟ ତରଫରୁ ରବିବାର ଦିନ ଉପଢ଼ୌକନ ଓ ମାନପତ୍ର ଦେଇ ସମ୍ବର୍ଦ୍ଧନା କରାଯାଇଛି । ନିସ୍ୱାର୍ଥପର ସେବା ଯୋଗାଇ ନିଜ ଜୀବନକୁ ଜଳାଞ୍ଜଳି ଦେଇ ଦେଶ ଓ ଜାତି ପାଇଁ ଉତ୍ସର୍ଗିକୃତ କରୁଥିବା କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନାକରି ଟ୍ରଷ୍ଟ ଧନ୍ୟ ମନେ କରୁଥିବା ଟ୍ରଷ୍ଟର ଅଧ୍ୟକ୍ଷ ସ୍ୱସ୍ତି ସୁନ୍ଦର ସିଅ ସୂଚନା ଦେଇଛନ୍ତି । ସମ୍ବର୍ଦ୍ଧିତ ହୋଇଥିବା ସାମ୍ବାଦିକଙ୍କ ମଧ୍ୟରେ ଓଟିଭି ସାମ୍ବାଦିକ ଜଗନ୍ନାଥ ସାହୁ, ସର୍ବସାଧାରଣ ସାମ୍ବାଦିକ ଶିବରାମ ଚୌଧୁରୀ ଓ ନୀତିଦିନ ଫଟୋ ସାମ୍ବାଦିକ ଜି.ଗୋପାଳକୃଷ୍ଣ ରେଡ୍ଡୀଙ୍କ ସମେତ ବରିଷ୍ଠ ଶିଶୁରୋଗ ବିଶେଷଜ୍ଞ ପ୍ରଫେସର ଡ. ରବି ଶତପଥୀ ଓ ମେଡିସିନ ବିଭାଗର ବରିଷ୍ଠ ଡାକ୍ତର ପିଏସ୍‌ଏନ୍ ରାଓଙ୍କୁ ଟ୍ରଷ୍ଟ ପକ୍ଷରୁ ସମ୍ବର୍ଦ୍ଧନା ଦିଆଯାଇଥିଲା । ସମ୍ବର୍ଦ୍ଧିତ ବେଳେ ଟ୍ରଷ୍ଟର ଉପଦେଷ୍ଟା ଲିଳଲୋହିତ ସାହୁ, ସୂର୍ଯ୍ୟନାରାୟଣ ପାତ୍ର, ବିରଞ୍ôଚ ଶତପଥୀ, ବସନ୍ତ ପାଳ, ଭବାନୀଶଙ୍କର, ଯୁବେରଅଲ୍ଲୀ ଓ ସନ୍ତୋଷ ପ୍ରମୁଖ ଉପସ୍ଥିତ ଥିଲେ ।