ବହରାଇଚରେ ସଡକ ଦୁର୍ଘଟଣାରେ ୬ ମୃତ 

ଲକ୍ଷ୍ମୌ -ଉତ୍ତର ପ୍ରଦେଶର ବହରାଇଚରେ ରାସ୍ତାରେ ଛିଡା ହୋଇଥିବା ଟ୍ରକକୁ ଏକ ଟାଟା ମ୍ୟାଜିକ ଧକ୍କା ଫଳରେ  ୬ ଜଣ ଲୋକଙ୍କର ମୃତ୍ୟୁ ହୋଇଛି । ଏହି ଦୁର୍ଘଟଣାରେ ଅନ୍ୟ ୧୦ ଜଣ ଲୋକ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଗୋଣ୍ଡା-ବହରାଇଚ ରାଜପଥରେ ପୟାଗପୁର ଥାନା ଅଂଚଳର ଶିବଦହା ବୁଲାଣିରେ ଏହି ଦୁର୍ଘଟଣା ଘଟିଛି । ଲୋକଙ୍କୁ ନେଇ ଦ୍ରୁତ ଗତିରେ ଯାଉଥିବା ଟାଟା ମ୍ୟାଜିକ ଛିଡା ହୋଇଥିବା ଟ୍ରକକୁ ଶକ୍ତ ଧକ୍କା ଦେଇଛି । ଫଳରେ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ହୋଇଛନ୍ତି । ସମସ୍ତ ଗୁରୁତରଙ୍କୁ ବହରାଇଚ ମେଡିକାଲ କଲେଜରେ ଭର୍ତ୍ତି କରାଯାଇଛି ।