ଇଣ୍ଡୋ କଳିଙ୍ଗ ଟାଇମ୍ସ । ଓଡ଼ିଆ ନିଉଜ। ନା ଅଟକିବ, ନା ନଇଁବ । Odia News Portal । Indo Kaling Times।
କୈଳାଶ ଚନ୍ଦ୍ର ପଣ୍ଡା,ପୁରୀ, ଆଜି ସକାଳ ୯.୩୦ ସମୟରେ ଭିଶାଖା ଶାରଦା ପୀଠର ଉତ୍ତରାଧିକାରୀ ସ୍ୱାମୀ ସ୍ଵାତମାଆନନ୍ଦ ସରସ୍ବତୀ, ପୁରୀ ପାପୁଡିଆ ମଠର ମହନ୍ତ ମହାମଣ୍ଡଳେଶ୍ୱର ରାମକୃଷ୍ଣ ଦାସଜୀ , ନେବଳ ଦାସ ମଠର ମହନ୍ତ ଡ଼ଃ ରାମଚରଣ ଦାସଜୀ ଓ ଶ୍ରୀ ଜଗନ୍ନାଥ ମନ୍ଦିର ସେବାୟତ ମାନଙ୍କ ଗହଣରେ ଶ୍ରୀ ପତିତପାବନ ଙ୍କୁ ଦର୍ଶନ କରିଛନ୍ତି | ଭିଶାଖା ଶାରଦା ପୀଠ ଆନ୍ଦ୍ର ପ୍ରଦେଶ ର ବହୁତ ପ୍ରସିଦ୍ଧ ପୀଠ | ଗତବର୍ଷ ଆନ୍ଦ୍ର ପ୍ରଦେଶ ର ମୁଖ୍ୟମନ୍ତ୍ରୀ ଜଗନମୋହନ ରେଡି ସ୍ୱାମୀ ସ୍ଵାତମାଆନନ୍ଦ ଙ୍କ ପୀଠାଭିଷେକ ଉତ୍ସବରେ ଯୋଗ ଦେଇ ସ୍ୱାମୀଜୀଙ୍କ ଆଶୀର୍ବାଦ ପ୍ରାପ୍ତ ହୋଇ ଥିଲେ | ସ୍ୱାମୀଜୀ ବର୍ତ୍ତମାନ ରାଜ୍ୟ ସରକାର ଙ୍କ ଅତିଥି (State Guest) ଭାବେ ଭୁବନେଶ୍ୱର ରେ ଅବସ୍ଥାନ କରୁଛନ୍ତି |ଶ୍ରୀ ପତିତପାବନ ଙ୍କୁ ଆରୁଣ ସ୍ତମ୍ଭ ନିକଟରୁ ଦର୍ଶନ କରି ସ୍ୱାମୀଜୀ ଅତ୍ୟନ୍ତ ଆନନ୍ଦିତ ହୋଇଛନ୍ତି |
କୋଭିଡ କଟକଣା କାରଣରୁ ସ୍ୱାମୀଜୀ ଆରୁଣ ସ୍ତମ୍ଭ ଠାରୁ ପତିତପାବନ ଦର୍ଶନ କଲେ ମଧ୍ୟ ଭକ୍ତଙ୍କ ପାଇଁ ଶ୍ରୀ ଜଗନ୍ନାଥ ଦର୍ଶନ ଖୋଲିଲେ ସେ ଶ୍ରୀ ଜଗନ୍ନାଥ ମନ୍ଦିରକୁ ଆଉ ଥରେ ଦର୍ଶନ କୁ ଆସିବେ ବୋଲି ସୂଚନା ଦେଇଛନ୍ତି |
