ବୌଦ୍ଧ- ବୌଦ୍ଧ ଜିଲ୍ଲାରେ ଆଜି ୩୨ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ନୂଆ ଚିହ୍ନଟ ୩୨ ଜଣଙ୍କ ମଧ୍ୟରୁ ସର୍ବାଧିକ ମୃଷୁଣ୍ଢି ଗ୍ରାମପଂଚାୟତର ଯୁଗିବେରଣୀ ଗ୍ରାମରୁ ୪ ଜଣ ଚିହ୍ନଟ ହୋଇଛନ୍ତି । ଏହା ସହିତ ରେଙ୍ଗାଲି ଓ ନୂଆପାଲିରୁ ୩ ଜଣେ ଲେଖାଏଁ ପଜିଟିଭ୍ ଚିହ୍ନଟ ହୋଇଛନ୍ତି । ଏହା ବ୍ୟତିତ କଂଟାମାଳ, କନାବୀର, ସିଲଟପଡା ଓ ସାମ୍ପୋଚରୁ ୨ ଜଣ ଲେଖାଏଁ ଚିହ୍ନଟ ହୋଇଥିବା ବେଳେ ବୌଦ୍ଧ ସହର, ଜହ୍ନାପଙ୍କ, ଜାଲପାଲି, ମନମୁଣ୍ଡା, ବଡଦେହୁରୀପାଲି, ନୂଆପାଲି, ବାସୁଦେବପାଲି, ଯୁବରାଜପୁର, ମାନେଶ୍ୱର ଓ ଭାଲିଆପଦର ଗ୍ରାମରୁ ଜଣେ ଲେଖାଏଁ ଚିହ୍ନଟ ହୋଇଥିବା ନେଇ ଜିଲା ମୁଖ୍ୟ ଚିକିତ୍ସା ଅଧିକାରୀ ଡା.ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଅନ୍ୟ ୪ ଜଣ ବାହାରେ ପରୀକ୍ଷା କରାଇ ପଜିଟିଭ ଚିହ୍ନଟ ହୋଇଛନ୍ତି । ଆଜିର ଚିହ୍ନଟଙ୍କୁ ମିଶାଇ ଜିଲାରେ କରୋନା ପଜିଟିଭଙ୍କ ସଂଖ୍ୟା ୨୩୫୬ କୁ ବୃଦ୍ଧି ପାଇଥିବା ସରକାରୀ ଭାବେ କୁହାଯାଇଛି ।
