ଶ୍ରୀମନ୍ଦିର ସମ୍ମୁଖରେ ଶ୍ରଦ୍ଧାଳୁଙ୍କ ଭିଡ଼, ସାମାଜିକ ଦୂରତାକୁ ଶ୍ରଦ୍ଧାଳୁଙ୍କ ବେଖାତିର ପ୍ରଶାସନ ଚୁପ, ବଢ଼ିବାରେ ଲାଗିଛି କରୋନା ,

କୈଳାଶ ଚନ୍ଦ୍ର ପଣ୍ଡା,ପୁରୀ– କରୋନା କଟକଣା ପାଇଁ ଶ୍ରଦ୍ଧାଳୁଙ୍କ ଶ୍ରୀମନ୍ଦିରରେ ଦର୍ଶନ ମାର୍ଚ୍ଚ ୨୦ ରୁ ବନ୍ଦ ରହିଛି |ସେଥିପାଇଁ ଶ୍ରୀମନ୍ଦିର ସିଂହଦ୍ୱାର ସାମ୍ନାରେ ପତିତପାବନ ଙ୍କ ଦର୍ଶନ ପାଇଁ ଶ୍ରଦ୍ଧାଳୁ ମାନଙ୍କ ଭିଡ ଦେଖିବାକୁ ମିଳୁଛି |ଏହି ସମୟରେ ସାମାଜିକ ଦୂରତା ଏବଂ ମାସ୍କ ପିନ୍ଧିବାକୁ ଗୁରୁତ୍ୱ ଦିଆଯାଇନାହିଁ |ସେହି ସ୍ଥାନରେ କେହି ଶ୍ରଦ୍ଧାଳୁ ଏହି ନିୟମକୁ ମାନିବାକୁ ରାଜି ନୁହଁନ୍ତି |ପୁରୀରେ ଦିନକୁ ଦିନ ଏଭଳି ଢିଲା କାରଣରୁ କରୋନା ସଂକ୍ରମଣ ରୋଗୀ ସଂଖ୍ୟା ବୃଦ୍ଧି ପାଇବାରେ ଲାଗିଛି |ଓଡିଶାରେ ପ୍ରଥମ ନଂ ରେ ଖୋର୍ଦ୍ଧା, ଦ୍ୱିତୀୟ ନଂ ରେ କଟକ ଓ ତୃତୀୟ ସ୍ଥାନରେ ଏବେ କରୋନା ରୋଗୀ ସଂଖ୍ୟା ବୃଦ୍ଧି ହୋଇ ପହଞ୍ଚି ସାରିଛି | ତଥାପି ପୁରୀ ଜିଲ୍ଲା ପ୍ରଶାସନ କୌଣସି କଡା ପଦକ୍ଷେପ ନେବାପାଇଁ ଡରୁଛନ୍ତି |ଖୋଲା ଖୋଲି ଭାବେ ଲୋକମାନେ ବୁଲୁଛନ୍ତି |ଶ୍ରୀମନ୍ଦିର ସାମ୍ନାରେ ଦିନ ତମାମ ଭାରି ମାତ୍ରାରେ ଭିଡ଼ ଦେଖିବାକୁ ମିଳୁଛି |ଏବେ ରାଜ୍ୟ ସରକାର ଏବଂ କେନ୍ଦ୍ରସରକାର ଅନଲକ ୪ ଅନୁସାରେ ମିଳିଥିବା ଢିଲା ନିୟମ କାରଣରୁ ଅନ୍ୟ ଜିଲ୍ଲା ଅନ୍ୟ ରାଜ୍ୟରୁ ଶ୍ରଦ୍ଧାଳୁ ପୁରୀକୁ ଆସି ମହାପ୍ରଭୁ ଜଗନ୍ନାଥଙ୍କ ଦର୍ଶନ ଉଦେଶ୍ୟରେ ଆସି ଶ୍ରୀମନ୍ଦିରର ମୁଖ୍ୟ ଦ୍ୱାର ଠାରୁ ନେଇ ଅନ୍ୟ ଦ୍ୱାର ପର୍ଯ୍ୟନ୍ତ ଭିଡ଼ ଜମାଇବା ସହିତ ସମୁଦ୍ର କୂଳରେ ମଧ୍ୟ ଭିଡର ଦୃଶ୍ୟ ଦେଖିବାକୁ ମିଳୁଛି |ଯଦି ଏହିଭଳି ରାଜ୍ୟ ବାହାରର ବିଭିନ୍ନ ଜିଲ୍ଲା ରୁ ପୁରୀରେ ଲୋକଙ୍କ ଭିଡ଼ ଲାଗିରହେ |ଆସନ୍ତା ଦିନରେ ଭୟଙ୍କର ସ୍ଥିତି ଦେଖିବାର ଆଶଙ୍କା କରାଯାଉଛି |ଏହି ସବୁ ଦେଖି ଜିଲ୍ଲା ପ୍ରଶାସନ ସତର୍କତା ଅବଲମ୍ବନ କରିବା ପାଇଁ ବୁଦ୍ଧିଜୀବୀ ମାନେ ଦାବୀ କରୁଛନ୍ତି |