ପ୍ରଧାନ ଶିକ୍ଷକଙ୍କ ଅକାଳ ବିୟୋଗ ରେ ଶୋକ

ଭଞ୍ଜନଗର :ଭଞ୍ଜନଗର ବ୍ଳକ ଡୁମାକୁମ୍ପା କ୍ଳଷ୍ଟର ଅନ୍ତର୍ଗତ ଗୁରାବାଡି ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀ ବିରେନ୍ଦ୍ର ଗୌଡଙ୍କ ଅକାଳ ବିୟୋଗ ଘଟିଛି ା ମୃତ୍ୟୁ ବେଳକୁ ତାଙ୍କୁ ୫୯ ବର୍ଷ ବୟସ ହୋଇଥିଲା ା ଶ୍ରୀ ଗୌଡ ଭଞ୍ଜନଗର ବ୍ଳକର ଜଣେ ଟାଣୁଆ ଶିକ୍ଷକ ନେତା ଥଲେ ା ସେ ଗୌଡ କୁଳର ସଭାପତି ରୂପେ ବି କାର୍ଯ୍ୟଭାର ତୁଲାଉଥିଲେ ା ଜଣେ ପ୍ରଧାନ ଶିକ୍ଷକ ରୂପେ ସେ ନିଜ ସହକାରୀ ଶିକ୍ଷକ, ଶିକ୍ଷୟିତ୍ରୀ ମହଲରେ ତଥା ଛାତ୍ର ଛାତ୍ରୀ ଓ ଗ୍ରାମବାସୀଙ୍କ ପ୍ରିୟପାତ୍ର ହୋଇପାରିଥିଲେ ା ଶ୍ରୀମା,ଶ୍ରୀ ଅରବିନ୍ଦଙ୍କ ଆଦର୍ଶରେ ଅନୁପ୍ରଣିତ ଏହି ଶିକ୍ଷକ ଜଣକ ଜଣେ ବନ୍ଧୁବତ୍ସଳ ଶିକ୍ଷକ ରୂପେ ସମସ୍ତ ଶିକ୍ଷକ, ଶିକ୍ଷୟିତ୍ରୀଙ୍କ ଅସମୟରେ ଛିଡା ହୋଉଥିଲେ ା ତାଙ୍କରି ଅକାଳ ବିୟୋଗରେ ସମଗ୍ର ଭଞ୍ଜନଗର ବ୍ଳକ ଶିକ୍ଷକ ମହଲରେ ଶୋକର ଛାୟା ଖେଳିଯାଇଛି ା ତାଙ୍କ ଶେଷ ଦର୍ଶନ ନିମିତ୍ତ ବହୁ ଶିକ୍ଷକ ଶିକ୍ଷୟିତ୍ରୀ ଲଣ୍ଡେଇସାହି ସ୍ଥିତ ବାସଭବନକୁ ଯାଇଥିବା ବେଳେ ଶ୍ରୀ ଗୌଡ ଙ୍କ ଶେଷକୃତ୍ୟ ତାଙ୍କ ପୈତୃକ ଗ୍ରାମ ବୋରିବନ୍ଧ ଠାରେ ସମାପନ ହୋଇଛି ା ବି.ଇ.ଓ ଏସ୍. ଧନଞ୍ଜୟ, ,ବି.ଆର୍.ସି.ସି ହୃଷିକେଷ ସ୍ବାଇଁ,ଡୁମାକୁମ୍ପା ସରପଞ୍ଚ କୁଞ୍ଜଲତା ପ୍ରଧାନ, ସମିତି ସଭ୍ୟ ଟୁକୁନା ସାହୁ, ସି.ଆର୍.ସି.ସି ତ୍ରିନାଥ ବେହେରା ,ଅଲ୍ଓଷ୍ଟା ସଭାପତି ଜଗବନ୍ଧୁ ଜେନା, ଓଷ୍ଚା କାର୍ଯ୍ୟକାରୀ ସଭାପତି ସନ୍ତୋଷ ଜେନା , ଶ୍ରୀ ଅରବିନ୍ଦ ଶିକ୍ଷା କେନ୍ଦ୍ର ର ସଭାପତି ତଥା ପ୍ରାକ୍ତନ ଅଧ୍ୟକ୍ଷ କୃତିବାସ ବିଶ୍ବାଳ ପ୍ରମୁଖ ଅମର ଆତ୍ମାର ସଦଗତି କାମନା କରି ଶୋକ ପ୍ରକାଶ କରିଛନ୍ତି ା ପ୍ରକାଶ ଥାଉ କି ଶ୍ରୀ ଗୌଡ ଅଳ୍ପ କିଛିଦିନ ହେଲା ଜ୍ବର ଓ ୟୁରିନ ଇନଫେକସନ ରେ ଆକ୍ରାନ୍ତ ଥିଲେ । ଆଜି ସକାଳ 5ଟା ରେ ସେ ଭଞ୍ଜନଗର ମେଡିକାଲରେ ଭର୍ତ୍ତି ହୋଇଥିଲେ କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିବା ପରିବାର ସୂତ୍ରରୁ ପ୍ରକାଶ ାା