ଭୁବନେଶ୍ୱର– ଏପର୍ଯ୍ୟନ୍ତ ଓଡିଶା ପୋଲିସ୍ ରେ କାର୍ଯ୍ୟରତ ୨୦୦ କରୋନା ଯୋଦ୍ଧା କୋଭିଡ୍ କୁ ହରାଇବା ପରେ ପ୍ଲାଜମା ଦାନ କରିସାରିଲେଣି । କଟକ ଏସସିବି ମେଡିକାଲ କଲେଜ ଓ ହସ୍ପିଟାଲ , ରାଉରକେଲା ଆଇଜିଏଚ୍ , ବୁର୍ଲାର ଭୀମସାର ଏବଂ ବ୍ରହ୍ମପୁର ଏମକେସିଜି ମେଡିକାଲ କଲେଜ ଓ ହସ୍ପିଟାଲରେ ଖୋଲିଥିବା ପ୍ଲାଜମା ସଂଗ୍ରହ କେନ୍ଦ୍ର ମାନଙ୍କରେ ଏହି କରୋନା ଯୋଦ୍ଧାମାନେ ପ୍ଲାଜମା ଦାନ କରିଛନ୍ତି ବୋଲି ପୋଲିସ୍ ମୁଖ୍ୟାଳୟ ସୂତ୍ରରୁ ପ୍ରକାଶ । ଏହି ଅବସରରେ ପୋଲିସ୍ ଡିଜି ଶ୍ରୀ ଅଭୟ ଟ୍ୱିଟ୍ କରି କରୋନା ଯୋଦ୍ଧା ମାନଙ୍କୁ ଶୁଭେଚ୍ଛା ଜଣାଇଛନ୍ତି । ଖୁବ୍ ଶୀଘ୍ର ଏମାନଙ୍କ ସଂଖ୍ୟା ୩୦୦ ଛୁଇଁବ ବୋଲି ଡିଜିପି ଆଶା ପ୍ରକାଶକରିଛନ୍ତି ।
