ପ୍ରାପ୍ତ ସୂଚନାରୁ ଜଣାପଡ଼ିଛି ଆଜି ସକାଳ ୯.୧୦ ସମୟରେ ଭୁବନେଶ୍ୱରରୁ ସ୍ୱତନ୍ତ୍ର ଗାଡ଼ିରେ ସହୀଦ ସୁଧୀରଙ୍କ ମରଶରୀର ଆସି ସାନଭଦୁଆ ଗ୍ରାମରେ ପହଁଚିବା ପରେ ଓଡ଼ିଶା ସରକାରଙ୍କ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ମନ୍ତ୍ରୀ ସୁଦାମ ମାର୍ଣ୍ଡି, ମୟୂରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ, ଆରକ୍ଷୀ ଅଧିକ୍ଷକ ସ୍ମିଥ ପି. ପରମାର ପ୍ରମୁଖଙ୍କ ସମେତ ବିଭିନ୍ନ ଜିଲ୍ଲାସ୍ତରୀୟ ପଦାଧିକାରୀ, ଅଧିକାରୀ ଓ ଶାସକ ବିଜେଡ଼ି, ବିଜେପି, କଂଗ୍ରେସ, ଜେଏମଏମ, ବିଭିନ୍ନ ସ୍ୱେଚ୍ଛାସେବୀ ସଂଗଠନର କର୍ମକର୍ତାମାନେ ସହୀଦଙ୍କ ପାର୍ଥୀବ ଶରୀରରକୁ ଶେଷ ଦର୍ଶନ କରିବା ପରେ ତୋପ ସାଲାମୀ ପ୍ରଦାନ କରାଯାଇଥିଲା । ଏହାପରେ ପରମ୍ପରା ଓ ବିଧି ବ୍ୟବସ୍ଥା ମଧ୍ୟରେ ରାଷ୍ଟ୍ରୀୟ ମର୍ଯ୍ୟାଦାର ସହ ଏକ ଶୋକାକୂଳ ପରିବେଶ ମଧ୍ୟରେ ସହୀଦ ବୀର ଯବାନ ସୁଧୀରଙ୍କ ଶେଷକୃତ୍ୟ ସମ୍ପନ୍ନ କରାଯାଇଥିଲା । ଏହି ସମୟରେ ସହୀଦ ବୀର ଯବାନ ଅମର ରହେ, ଧ୍ୱନୀରେ ଗଗନ ପବନ ପ୍ରକମ୍ପିତ ହୋଇଉଠିଥିଲା ।
