କୈଳାଶ ଚନ୍ଦ୍ର ପଣ୍ଡା, ପୁରୀ,୦୯/୦୯/୨୦୨୦,ମହାବୀର ସେନା ପୁରୀ ତରଫରୁ ବୁଧବାର ଦିନ ଏକ ରକ୍ତଦାନ ଶିବିର ବଡ଼ଶଙ୍ଖ ନିକଟସ୍ଥ ଉତ୍ସବ ଆଙ୍ଗନ କଲ୍ୟାଣୀ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି |ଏହି ମହତ କାର୍ଯ୍ୟରେ ମହାବୀର ସେନାର ୫0ରୁ ୬0 ସଭ୍ୟ ରକ୍ତଦାନ କରିଥିଲେ |ଏଥିରେ ମୁଖ୍ୟ ଅତିଥିଭାବେ ଭକ୍ତ ଚରଣ ଦାଶ ଯୋଗଦେଇଥିଲେ |ଏହି କାର୍ଯ୍ୟକ୍ରମରେ ଯୋଗଦେଇଥିବା ଅନ୍ୟ ଅତିଥି ମାନେ ହେଲେ ଲିଗାଲ ଆଡ଼ଭାଇଜର ଓ ବରିଷ୍ଠ ସେବାୟତ ଗୌରୀ ଶଙ୍କର ସିଂହାରୀ, ଆଇନଜିବୀ ଶ୍ରୀକାନ୍ତ ପରିଡା, ଦେବାଶିଷ ଦାଶ, ସମାଜସେବୀ ପ୍ରମୋଦ କୁମାର ଜେନା, କୁମ୍ଭାରପଡ଼ା ଥାନା ଅଧିକାରୀ କୁଳମଣି ସେଠୀ ପ୍ରମୁଖ ଉପସ୍ଥିତ ରହି ରକ୍ତଦାତାଙ୍କୁ ପୁରସ୍କୃତ କରିଥିଲେ |ଏହି କାର୍ଯ୍ୟକ୍ରମରେ ମହାବୀର ସେନା ସମ୍ପାଦକ ସୌମ୍ୟଜିତ ଶ୍ରୀଚନ୍ଦନ ଓ ସଭାପତି ଶୁଭ୍ରାଂଶୁ କୁମାର (ଲକି )ଏବଂ ଯୁବ ସଂଗଠକ ଲୋକନାଥ ଦାସଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ପରିଚାଳନା କରାଯାଇଥିଲା|
