ଇଣ୍ଡୋ କଳିଙ୍ଗ ଟାଇମ୍ସ । ଓଡ଼ିଆ ନିଉଜ। ନା ଅଟକିବ, ନା ନଇଁବ । Odia News Portal । Indo Kaling Times।
କୈଳାସ ଚନ୍ଦ୍ର ପଣ୍ଡା,ପୁରୀ-ଜଗତସିଂପୁର ବିରିଡି ସ୍ଥିତ ଏକ ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ ବସୁମାତା ତରଫରୁ ଆଜି ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦ ରୁ ପୁରୀ ଅଞ୍ଚଳରେ ବିଶୋଧନ କାର୍ଯ୍ୟ କରାଯାଇଛି. ପୁରୀ ବଡ଼ ମନ୍ଦିର ସମ୍ମୁଖରେ ଥିବା ପରିସରରେ ବରିଷ୍ଠ ଦଇତାପତି ବିନାୟକ ଦାସ ମହାପାତ୍ର ଓ ଚୂନରା ସେବକ ଡ଼.ଶରତ ମହାନ୍ତି ପ୍ରମୂଖ ଉପସ୍ଥିତ ରହି ବିଶୋଧନ କାର୍ଯ୍ୟକୁ ଉଦଘାଟନ କରିଥିଲେ| ମନ୍ଦିର ସମ୍ମୁଖ ପରିସରରୁ ଆରମ୍ଭ କରି ବଡ଼ ଦାଣ୍ଡ, ସିଂହଦ୍ୱାର ଥାନା,ଶ୍ରୀ ଗଜପତି ମହାରାଜାଙ୍କ ଉଆସ, ପୁରୀ ଟାଉନ ଥାନା ପ୍ରମୂଖ ପରିସର ଗୁଡିକୁ ସମ୍ପୂର୍ଣ୍ଣ ରୂପେ ବିଶୋଧନ କରାଯାଇଛି|ଏହା ସହିତ ପୁରୀ ଆରଏସଏସ କାର୍ଯ୍ୟାଳୟ, ସମ୍ବାଦ କାର୍ଯ୍ୟାଳୟ, କନକ ଟିଭି କାର୍ଯ୍ୟାଳୟ, news18 କାର୍ଯ୍ୟାଳୟ ପରିସରକୁ ବିଶୋଧନ କରାଯାଇଥିଲା| ସର୍ବଶେଷରେ ବାଲିଘାଇ ସ୍ଥିତ ହରିହରାନନ୍ଦ ଗୁରୁକୂଳମ ପରିସରକୁ ସମ୍ପୂର୍ଣ୍ଣ ରୂପେ ବିଶୋଧନ କରାଗଲା |ସଙ୍ଗଠନର ସମ୍ପାଦକ ଗୟାଧର ମହାନ୍ତି, ଆଇନଜୀବୀ ତଥା ସମାଜସେବୀ ଶୁଭେନ୍ଦୁ ମହାନ୍ତି,ଓଡିଶା ଶିକ୍ଷା ବିକାଶ ସମିତିର କାର୍ଯ୍ୟକର୍ତ୍ତା ବିରଞ୍ଚି ନାରାୟଣ ମହାପାତ୍ର, ସ୍ଵୟଂସେବକ ଦୀପକ ନାୟକ, ଇଂ ପ୍ରଭାତ ତ୍ରିପାଠୀ , ସୁରେଶ ଜେନା,ଭୀମସେନ ରାଉତରାୟ ,ରାମଶଙ୍କର କାଣ୍ଡି ,ରମେଶ ଭୋଇ ପ୍ରମୂଖ ଉପସ୍ଥିତ ରହି ବିଶୋଧନ କାର୍ଯ୍ୟରେ ସହଯୋଗ ପ୍ରଦାନ କରିଥିଲେ|
