ମାଲକାନଗିରି – ଆଜି ଗଙ୍ଗଲା ଆଶ୍ରମ ବିଦ୍ୟାଳୟରେ ପ୍ରଧାନ ଶିକ୍ଷକ ଶ୍ରୀ ରବିନ୍ଦ୍ର ନାଥ ଆଟଇଙ୍କ ଆହ୍ୱାନରେ ଚଳିତ ବର୍ଷର ଦ୍ୱିତୀୟ ଶିକ୍ଷକ, ଅଭିଭାବକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀ ଡନେଲ କୁମାର, ପାଟ୍ଲା ଅଧ୍ୟକ୍ଷତା କରିଥିଲେ । ବହୁସଂଖ୍ୟାରେ ପିତା ମାତା ତଥା ଅଭିଭାବକମାନେ ଏହି ବୈଠକରେ ଯୋଗଦାନ କରି ନିଜ ନିଜର ମତାମତ ଉପସ୍ଥାପନା କରିଥିଲେ ।
ଆଜିର ବୈଠକରେ ଛାତ୍ରାଛାତ୍ରୀମାନଙ୍କ ନିୟମିତ ଉପସ୍ଥାନ, ଅଭିଭାବକମାନଙ୍କ ସହଯୋଗ, ମୋ ସ୍କୁଲ ଯୋଜନା, ଷାଣ୍ମାସିକ ପରୀକ୍ଷା, ବିଦ୍ୟାଳୟର ଶିକ୍ଷାଦାନ, ପୋଷାକ ବଂଟନ ଓ ଖେଳ ସାମଗ୍ରୀ ବଂଟନ ଇତ୍ୟାଦି ଉପରେ ଆଲୋଚନା କରାଯାଇଥିଲା । ଆଜିର ଏହି ବୈଠକରେ ବିଦ୍ୟାଳୟର ସମସ୍ତ ଶିକ୍ଷକ-ଶିକ୍ଷୟତ୍ରୀ ଉପସ୍ଥିତ ଥିଲେ । ବୈଠକ ପରେ ସମସ୍ତ ଅଭିଭାବକମାନେ ଭୋଜନ ଗ୍ରହଣ କରି ବିଦାୟ ନେଇଥିଲେ ।
