ବ୍ରହ୍ମପୁର: ଦୀର୍ଘ ଦିନର ବ୍ୟବଧାନ ପରେ ପୁଣି ଡକାୟତି ଦଳ ସହରରେ ସକ୍ରୀୟ ହୋଇଛନ୍ତି । ପୋଲିସ ପାଟ୍ରୋଲିଂ ବେଳେ ଏକ ଡକାୟତି ଦଳର ୩ଜଣଙ୍କୁ କାବୁ କରିବା ସହ ସେମାନଙ୍କ ଠାରୁ ୩ଟି ଖଣ୍ଡା ସହ ୨ଟି ବାଇକ୍ ଜବତକରି ସେମାନଙ୍କୁ କୋର୍ଟଚାଲାଣ କରିଛି । ଏନେଇ ପୋଲିସ ଏକ ମାମଲା ରୁଜୁକରି ତଦନ୍ତ ଆରମ୍ଭ କରିଛି । ପ୍ରକାଶ ଯେ, ବଡବଜାର ଥାନାର ସେକେଣ୍ଡ ଅଫିସ୍ର ଭସାତ ରଞ୍ଜନ ରାୟ ଏବଂ କିଛି ପୋଲିସ କର୍ମଚାରୀ ରାତି ଅଧିଆ ପାଟ୍ରୋଲିଂ କରୁଥିବା ବେଳେ ଦିଗପହଣ୍ଡି ରୋଡ୍ ନିକଟସ୍ଥ ଚନ୍ଦନିଆ ପାହାଡ ନିକଟରେ କିଛି ଯୁବକ ଡକାୟତ କରିବା ପାଇଁ ଯୋଜନା କରୁଥିଲେ । ବଡବଜାର ଥାନା ପାଟ୍ରୋଲିଂ ଗାଡି ସେଠାରେ ପହଞ୍ôଚଥିଲା । ପୋଲିସ ଘଟଣାସ୍ଥଳରୁ ୩ଜଣ ଯୁବକ ଗୋପାଳପୁର ଅଞ୍ଚଳର ଚନ୍ଦନ ପଟ୍ଟନାୟକ, ବ୍ରହ୍ମପୁର ମାଛ ବନ୍ଧ ଲେପର୍ସି କଲୋନୀର ଏମ୍.କୋଟେଶ୍ୱର ରାଓ ଏବଂ ବ୍ରହ୍ମପର ହରିଜନ ସାହିର କାଳିଆ ସେଠୀ ଓରଫ୍ ମୁଣ୍ଡାଙ୍କୁ ଗିରଫ କରିଛି । ଅନ୍ୟ ୨ଜଣ ଯୁବକ ଘଟଣାସ୍ଥଳରୁ ଫେରାର ହୋଇଯାଇଥିଲେ ।
About the Author
