ପାରଳାଖେମୁଣ୍ଡି– ଗଜପତି ଜିଲ୍ଲା ପୋଲିସ ପକ୍ଷରୁ କୋଭିଡ଼୍ କଟକଣା ଉଲ୍ଲଙ୍ଘନକାରୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଗତ ୧୬ ତାରିଖ ଦିନ ଜିଲ୍ଲାର ବିଭିନ୍ନ ଥାନା ପକ୍ଷରୁ ଏନେଇ ବ୍ୟାପକ ଧରପଗଡ଼ କରାଯିବା ସହ ଆଇନ ଭଙ୍ଗ କରୁଥିବା ମୁହଁରେ ମାସ୍କ ପିନ୍ଧୁ ନଥିବା ଅମାନିଆଙ୍କ ଠାରୁ ଜୋରିମାନା ବାବଦକୁ ମୋଟ୍ ୧୮ ହଜାର ୫୦୦ ଟଙ୍କା ଆଦାୟ କରାଯାଇଛି ।
ବିଭାଗୀୟ ସୂତ୍ରରୁ ପ୍ରାପ୍ତ ସୂଚନା ଅନୁଯାୟୀ, ପାରାଖେମୁଣ୍ଡି ଆଦର୍ଶ ଥାନା ୫୫୦୦ ଟଙ୍କା, ରାୟଗଡ଼ ଥାନା ୨୨୦୦, କାଶୀନଗର ଥାନା ୨୪୦୦, ଗାରାବନ୍ଧ ଥାନା ୧୬୦୦ ଟଙ୍କା, ସେରଙ୍ଗ ଥାନା ୨୪୦୦, ଗୁରାଣ୍ଡି ଥାନା ୧୬୦୦ ଟଙ୍କା, ମୋହନା ଥାନା ୧୦୦୦ ଟଙ୍କା, ଅଡ଼ବା ଥାନା ୧୦୦୦ ଟଙ୍କା ଏବଂ ରାମଗିରି ଥାନା ପୋଲିସ ପକ୍ଷରୁ ଜୋରିମାନା ବାବଦକୁ ୮୦୦ ଟଙ୍କା ଆଦାୟ କରାଯାଇଛି ।
