ଗଞ୍ଜାମ ଜଗନ୍ନାଥ ପ୍ରସାଦ ଥାନlଅଞ୍ଚଳ ର କରଡ଼ାପଲ୍ଲୀ ଗ୍ରାମରେ ଗତ ବୁଧବାର ଘଟିଯାଇଥିବା ପ୍ରମୋଦ ବେହେରା ହତ୍ୟା କାଣ୍ଡ ରେ ଚାରି ଜଣଙ୍କୁ ପୋଲିସ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି l ଗିରଫ ହୋଇଥିବା ବ୍ୟକ୍ତି ହେଲେ ଉକ୍ତ ଗ୍ରାମର ପ୍ରକାଶ ବେହେରା, କାହ୍ନା ବେହେରା, ରବିନ୍ଦ୍ର ଗୌଡ଼ ଓ ବୁଗୁଡ଼ା ଥାନl ମାଣିତରା ଗ୍ରାମର ଗଣେଶ ବିଶ୍ୱାଳ lସୂଚନା ଅନୁଯାଇ କରଡ଼ାପଲ୍ଲୀ ଗ୍ରାମର ପ୍ରମୋଦଙ୍କ ଘରକୁ ତାଙ୍କର କେତେଜଣ ବନ୍ଧୁ ଗତ ବୁଧବାର ସକାଳେ ଭୁବନେଶ୍ୱରରୁ ଆସିଥିଲେ। କରୋନା ମହାମାରୀ ସମୟରେ କାହିଁକି ବାହାର ଜିଲ୍ଲାର ବନ୍ଧୁବାନ୍ଧବଙ୍କୁ ଘରେ ପୂରାଉଛ ବୋଲି ପଡୋଶୀ ପ୍ରକାଶ ବେହେରା ବିରୋଧ କରିଥିଲେ। ମଧ୍ୟରାତ୍ର ପ୍ରାୟ ୧୨ଟାରେ ପ୍ରକାଶ ସହଯୋଗୀ କାହ୍ନା, ରବୀନ୍ଦ୍ର ଓ ଗଣେଶଙ୍କ ସହ ଆସି ପ୍ରମୋଦଙ୍କ ଘର ସାମ୍ନାରେ ଗାଳିଗୁଲଜ କରି ଧାରୁଆ ଅସ୍ତ୍ର ରେ ଆକ୍ରମଣ କରି ଘଟଣା ଜାଗାରୁ ଫେରାର ହୋଇ ଯାଇ ଥିଲେ l ଗୁରୁତର ପ୍ରମୋଦ ଓ ଅନ୍ୟ ଦୁଇ ସାଥୀଙ୍କୁ ସ୍ଥାନୀୟ ମେଡିକାଲ ଭର୍ତି କରାଇ ଥିବା ବେଳେ ପ୍ରମୋଦ ଙ୍କ ମୃତ ହୋଇଥିଲା ଓ ଅନ୍ୟ ଦୁଇ ଜଣକୁ ବ୍ରହ୍ମପୁର ବଡ଼ ମେଡିକାଲ କୁ ସ୍ଥାନନ୍ତର ହୋଇଥିଲେ l ଆଜି ଶୁକ୍ରବାର ଥାନା ଅଧିକାରୀ ଭାଗିରଥି ନାୟକ ଖବର ପାଇ ଗଠିତ ଟିମ ନେଇ ବୁଗୁଡ଼ା ଥାନା ମାଣିତରା ସ୍ତିତ ଏକ ଆଶ୍ରମ ରେ ଅଚାନକ ଚଢ଼ାଉ କରି ଚାରି ଅଭିଯୁକ୍ତ ଙ୍କୁ ଧରିବାରେ ସଫଳ ହୋଇଥିଲେ l ଚଢ଼ଉ ବେଳେ ପ୍ରକାଶ ପାଖରୁ ଆମିଷ କଟା ଲୁହା କାତି, ସବଳ ଜବତ କରିଛି l
ଜଗନ୍ନାଥ ପ୍ରସାଦ ରୁ ଚିତ୍ତରଞ୍ଜନ ଗନ୍ତାୟତ ଙ୍କ ରିପୋର୍ଟ
