ଭୁବନେଶ୍ୱର – ଓଡିଆ ଅଭିନେତ୍ରୀ ଦୀପା ସାହୁଙ୍କ ବିୟୋଗରେ ରାଜ୍ୟ ବିଜେପି ସଭାପତି ଶ୍ରୀ ସମୀର ମହାନ୍ତି ଏବଂ ବିରୋଧୀ ଦଳ ନେତା ଶ୍ରୀ ପ୍ରଦୀପ୍ତ ନାଏକ ଗଭୀର ଶୋକ ପ୍ରକାଶ କରିବା ସହ ସ୍ୱର୍ଗତାଃ ଆତ୍ମାର ସଦଗତି କାମନା କରିଛନ୍ତି ।
ସ୍ୱର୍ଗତାଃ ସାହୁ ଜଣେ ଦକ୍ଷ କଳାକାର ଏବଂ ନୃତ୍ୟ ଶିଳ୍ପୀ ଭାବେ ବେଶ ଜଣାଶୁଣା ଥିଲେ । ସେ ଶତାଧିକ ଆଲବମ ଓ ଭଜନ ଗୀତରେ ଅଭିନୟ କରି ଓଡିଶାରେ ଘରେ ଘରେ ପରିଚିତ ଥିଲେ । ସେ ଚଳଚ୍ଚିତ୍ର ଓ ଅନେକ ଟେଲି ଧାରାବାହିକରେ କାମ କରିଥିଲେ । ଓଡିଆ ଆଲବମ କ୍ଷେତ୍ରରେ ତାଙ୍କର ଅବଦାନ ଅତୁଳନୀୟ । ତାଙ୍କ ବିୟୋଗ ଓଡିଶା କଳାକାର ଜଗତ ପାଇଁ ଏକ ଅପୂରଣୀୟ କ୍ଷତି । ମୃତ୍ୟୁ ବେଳକୁ ତାଙ୍କୁ ୩୫ ବର୍ଷ ବୟସ ହୋଇଥିଲା । ସ୍ୱର୍ଗତାଃ ସାହୁଙ୍କ ବିୟୋଗରେ ଶ୍ରୀ ମହାନ୍ତି ଏବଂ ଶ୍ରୀ ନାଏକ ଅତ୍ୟନ୍ତ ମର୍ମାହତ ବୋଲି କହିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର ସମବେଦନା ଜଣାଇଛନ୍ତି ।
