ଗଞ୍ଜାମକୁ ଛାଡୁନି କରୋନା ରବିବାର ୨୪୭ଆକ୍ରାନ୍ତ, ୧୯୯ସୁସ୍ଥ, ୩ମୃତ

ବ୍ରହ୍ମପୁର: ଗଞ୍ଜମରେ ଜାରି ରହିଛି ୧୪ଦିନିଆ ଲକ୍ ଡାଉନ୍ । ସକାଳ ୬ଟାରୁ ମଧ୍ୟାହ୍ନ ୧ଟା ପର୍ଯ୍ୟନ୍ତ ଅତ୍ୟାବଶ୍ୟକୀୟ ସାମଗ୍ରୀ ବିକ୍ରି ହେଉଛି । ୧ଟା ପରଠାରୁ ଗାଡି ଚଳାଚଳ ଓ ଯାତାୟାତ ଉପରେ କଟକଣା ଲାଗୁଛି । ଗତ ୬ତାରିଖ ଠାରୁ ପ୍ରତ୍ୟହ ୨୦୦ରୁ ଊର୍ଦ୍ଧ୍ୱ ନୂଆ କରୋନା ପଜେଟିଭ ଜିଲ୍ଲାରେ ଚିହ୍ନଟ ହେଉଛନ୍ତି । ଅନ୍ୟପକ୍ଷରେ ରବିବାର ପୁଣି ୨୪୭ ନୂଆ କରୋନା ରୋଗୀ ଚିହ୍ନଟ ହୋଇଛନ୍ତି । ଗଞ୍ଜାମ ଜିଲ୍ଲାରେ ଲାଗି ରହିଥିବା କରୋନା ଭୟଭୀତରେ ସୁସ୍ଥ ରିପୋର୍ଟ ସାମାନ୍ୟ ଲୋକଙ୍କୁ ଆଶ୍ୱସ୍ତି କରୁଛି । ଗ୍ରାମାଞ୍ଚଳଗୁଡିକରେ ପଜେଟିଭ ସଂଖ୍ୟା କମୁଥିବା ବେଳେ ସହରାଞ୍ଚଳରେ ବୃଦ୍ଧି ପାଉଛି । ପ୍ରଶାସନ ପକ୍ଷରୁ ୨୪ଘଣ୍ଟିଆ ଜରୁରୀକାଳୀନ ସେବା ଜାରି ରହିଛି । ରବିବାର ଜିଲ୍ଲାରେ କରୋନାରେ ୩ଜଣ ମୃତକଙ୍କ ମଧ୍ୟରେ ୭୦ବର୍ଷୀୟ ଜଣେ ମହିଳା, ୪୪ବର୍ଷୀୟ ଓ ୩୯ବର୍ଷୀୟ ୨ଜଣ ପୁରୁଷଙ୍କ ମୃତ୍ୟୁ ହୋଇଛି । ଜିଲ୍ଲାରେ ରବିିବାର ୧୯୯ଜଣ ସୁସ୍ଥ ହୋଇଛନ୍ତି । ଜୁଲାଇ ମାସର ଏହି ୧୯ଦିନ ମଧ୍ୟରେ ୪୨ଜଣଙ୍କ ମୃତ୍ୟୁ ଘଟିଥିବା ବେଳେ ୪୧୫୭ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।
ମିଳିଥିବା ସୂଚନା ଅନୁଯାୟୀ, ଜିଲ୍ଳାରେ ସମୁଦାୟ ମୃତ୍ୟୁ ସଂଖ୍ୟା ୫୮ରେ ପହଁଚିଛି । ଏଥିମଧ୍ୟରେ ୫୪ଜଣ କରୋନାରେ ମୃତ୍ୟୁବରଣ କରିଥିବା ବେଳେ ଅନ୍ୟ ୪ଜଣ ଅଣ କୋଭିଡ଼୍ ମୃତ୍ୟୁ ବୋଲି ସ୍ୱାସ୍ଥ୍ୟ ବିଭାଗ ସ୍ପଷ୍ଟ କରିଛି । ଜିଲ୍ଳାରୁ ରବିବାର ଚିହ୍ନଟ ସଂକ୍ରମିତଙ୍କ ମଧ୍ୟରେ ୩୦ଜଣ କୋଭିଡ଼୍ ଯୋଦ୍ଧା, ରାଜ୍ୟ ବାହାର ଫେରନ୍ତା ୩ଜଣ ଓ ପଜିଟିଭ ସଂସ୍ପର୍ଶରେ ଆସି ସ୍ଥାନୀୟ ସଂକ୍ରମିତ ୨୧୪ଜଣ । ୩୦ ସଂକ୍ରମିତ କୋଭିଡ଼୍ ଯୋଦ୍ଧାଙ୍କ ମଧ୍ୟରେ ଆସିକା ୧, ବେଗୁନିଆପଡା ୧, ବେଲଗୁଣ୍ଠା ୨, ବିଏମ୍‌ସି ୫, ବୁଗୁଡା ୧, ଛତ୍ରପୁର ୩, ଦିଗପହଣ୍ଡି ୧, ହିଞ୍ଜିଳିକାଟୁ ୨, ଖଲ୍ଲିକୋଟ ୧, ପାତ୍ରପୁର ୩, ସାନଖେମୁଣ୍ଡି ୯ ଓ ପୋଲସରା ବ୍ଲକ୍‌ରୁ ଜଣେ ବୋଲି ଜଣାପଡିଛି । ରାଜ୍ୟ ବାହାର ଫେରନ୍ତା ସଂକ୍ରମିତ ୩ଜଣଙ୍କ ମଧ୍ୟରେ ଛତ୍ରପୁର, ଗଞ୍ଜାମ ଓ ଦିଗପହଣ୍ଡି ବ୍ଲକ୍‌ରୁ ଜଣେ ଲେଖାଏଁ ରହିଛନ୍ତି । ସେହିପରି ୨୧୪ଜଣ ପଜିଟିଭ୍ ସଂସ୍ପର୍ଶରେ ଆସି ସ୍ଥାନୀୟ ସଂକ୍ରମିତଙ୍କ ମଧ୍ୟରେ ଆସିକା ୧, ବିଏମ୍‌ସି ୧୮, ଭଞ୍ଜନଗର ୧, ବେଗୁନିଆପଡା ୮, ବେଲଗୁଣ୍ଠା ୧୧, ବୁଗୁଡା ୧୫, ଛତ୍ରପୁର ୨୭, ଚିକିଟି ୭, ଧରାକୋଟ ୧, ଦିଗପହଣ୍ଡି ୨୭, ଗଞ୍ଜାମ ୧୪, ହିଞ୍ଜିଳିକାଟୁ ୧୦, ଖଲ୍ଲିକୋଟ ୪, କବିସୂର୍ଯ୍ୟନଗର ୧୧, କୁକୁଡାଖଣ୍ଡି ୨, ପାତ୍ରପୁର ୧୫, ପୁରୁଷୋତ୍ତମପୁର ୫, ସାନଖେମୁଣ୍ଡି ୨୮, ଶେରଗଡ ୪, ପୋଲସରା ୪ ଓ ଅନ୍ୟାନ୍ୟ ୧ଜଣ ସଂକ୍ରମିତ ରହିଛନ୍ତି । ଜିଲ୍ଲାରେ ସମୁଦାୟ କରୋନା ପଜିଟିଭ ସଂଖ୍ୟା ୫୫୨୭ରେ ପହଞ୍ôଚଥିବା ବେଳେ ୫୮ଜଣଙ୍କ ମୃତ୍ୟୁ ହୋଇଛି । ଅନ୍ୟପକ୍ଷରେ ଜିଲ୍ଲାରେ ରବିବାର ୧୯୯ସୁସ୍ଥ ହୋଇଥିବା ବେଳେ ସମୁଦାୟ ସୁସ୍ଥ ସଂଖ୍ୟା ୩୭୫୩ରେ ପହଂଚିଛି । ଜିଲ୍ଲାରେ ଏବେ ୧୭୧୬ସଂକ୍ରମିତ ଚିକିତ୍ସିତ ହେଉଛନ୍ତି ।