ତନ୍ତିଘାଇ ନଦୀର ହାସିନପୁରଠାରେ ଗାଡୱାଲ ନିର୍ମାଣ ପାଇଁ ଦାବି

ଧର୍ମଶାଳା – ଯାଜପୁର ଜିଲା ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ଯାଜପୁର ବ୍ଲକ ଛତିଶଦେବିଲ ପଂଚାୟତ ହାସିନପୁରଠାରେ ଖରସ୍ରୋତା ର ଶାଖା ନଦୀ ତନ୍ତୀଘାଇ ନଦୀର ଲେବୁଲ ମୁଣ୍ଡରେ ହାସିପନୁରଠାରେ ନଦୀ ପାଶ୍ୱରେ ଗାଡୱାଲ ନିର୍ମାଣ ପାଇଁ ଅଂଚଳବାସୀ ଦାବି କରିଛନ୍ତି । ସୂଚନା ଅନୁଯାୟୀ ତନ୍ତୀଘାଇ ନଦୀ ପ୍ରତ୍ୟେକ ବର୍ଷ ଏହି ସ୍ଥାନରେ ଛୋଟ ବଡ ଦୁର୍ଘଟଣାମାନ ଘଟୁଛି । ଅନେକ ସମୟରେ ଲୋକେ ମଧ୍ୟ ପ୍ରାଣ ହରାଇଛନ୍ତି । ଗତ କିଛଇ ମାସ ପୂର୍ବେଏହି ସ୍ଥାନରେ ଜଣେ ଯୁବତୀ ଖସି ପଡି ମୃତ୍ୟୁ ବରଣ କରିଥିବା ବେଳେ ଶନିବାର ଦିନ ଅପରାହ୍ନରେ ସ୍ଥାନୀୟ ଅଂଚଳର ଜଣେ ଯୁବକ ନଦୀ ତଳକୁ ଖସି ପଡିଥିଲେ । ବିଶେଷଭାବରେ ବର୍ଷା ଦିନରେ ନଦୀ ବଢିର ଦୃଶ୍ୟ ଦେଖବବାକୁ ଲେବଲ ମୁଣ୍ଡର ବରୁଆଁଠାରୁ ସାହାସପୁର ପର୍ଯ୍ୟନ୍ତ ଶହଶହ ଲୋକଯାତାୟତ ସମୟରେ ସାମାନ୍ୟ ତୃଟିବିଚ୍ୟୁତି ହେଲେ ନଦୀରେ ଗୋଡ ଖସି ଲୋକଙ୍କ ଜୀବନ ଚାଳିଯିବା ଆଶଙ୍କା ରହିଛି । ନଦୀ କୂଳରେ ବସବାସ କରୁଥିବା ଲୋକମାନେ ଭୟଭିତ ହୋଇପଡୁଛନ୍ତି । ଏଠାରେ ହବ କରି ଗାଡୱାଲ ନିର୍ମାଣ ଜରୁରୀ ହୋଇପଡିଛି । ଯାହା ଫଳରେ ସ୍ଥାନୀୟ ଲୋକେ ସୁରକ୍ଷିତଭାବେ ଯାତାୟତ କରିପାରିବେ । ଏହି ଅସୁରକ୍ଷିତ ସ୍ଥାନ ପ୍ରତି ଜିଲାପ୍ରଶାସନ ତୁରନ୍ତ ଦୃଷ୍ଟି ଦେବାକୁ ନଦୀ କୂଳିଆ ଲୋକେ ଦାବି କରିଛନ୍ତି ।