ବ୍ରହ୍ମପୁର:ବ୍ରହ୍ମପୁର ଉପକଣ୍ଠ ଭାବିନିପୁରରେ ଥିବା ଆରୟନ ଗୁରୁକୂଳ ଆବାସିକ ମହାବିଦ୍ୟାଳୟର ହୋଷ୍ଟେଲ ରେ ରହୁଥିବା ଯୁକ୍ତ ଦୁଇ ଛାତ୍ର ନିଖୋଜ ଘଟଣା ରେ ଏବେ ନୁଆଁ ମୋଡ଼। ଗତ 3 ଦିନ ହେଲା ଜଣେ ଛାତ୍ର ନିଖୋଜ ଘଟଣା ନେଇ ସଦର ଥାନାରେ ନିଖୋଜ ନାବାଳକର ବାପା ଏତଲା ଦେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରଇଛି। ସଦର ଥାନା ଅଧିକାରୀ ସନ୍ତୋସିନୀ ଓରାମ ଗତ ରାତିରେ ଉକ୍ତ ହୋଷ୍ଟେଲ ଯାଇ ପଚରା ଉଚରା ପରେ ସିସି ଟିଭି କୁ ଯାଞ୍ଚ କରିଥିଲେ।ପୋଲିସି ପଚରା ଉଚାରା ବେଳେ କିଛି ଛାତ୍ର ବିସ୍ପୋରକ ବୟାନ ଦେଇଥିବା ଜଣାପଡିଛି।ଉକ୍ତ ହୋଷ୍ଟେଲ ଏବଂ ସେଠାକାର କର୍ମଚାରୀ ଓ ଅଧ୍ୟାପକଙ୍କ ନାମରେ ପୋଲିସ ନିକଟରେ ଅଭିଯୋଗ କରିଛନ୍ତି । ଗୋଟିଏ ପଟେ ନିଖୋଜ ଛାତ୍ରର ପତା ମିଳିନଥିବା ବେଳେ ପୁଣି ହୋଷ୍ଟେଲ ରେ ନାବାଳକଙ୍କ ପ୍ରତି ଅକଥନୀୟ ଅତ୍ୟାଚାର ସହ ଆଖିବୁଜା ମାଡ଼ ଏବେ ସେହି ହଷ୍ଟେଲରେ ପଢ଼ୁଥିବା ଛାତ୍ରମାନେ ଭୟରେ ପୋଲିସ ନିକଟରେ ଅଭିଯୋଗ କରୁନଥିବା ବେଳେ କିଛି ପୋଲିସ କୁ ସମସ୍ତ ଘଟଣା କହିଛନ୍ତି । କିଛି ଛତ୍ରଙ୍କ ଶରୀରରେ ମାଡ ର ଚିନ୍ହ ଦେଖିବାକୁ ମିଲିଥିବା ପୋଲିସ କହିଛି । ଏ ନେଇ ଜଣେ ଛାତ୍ର ଙ୍କ ବାପାଙ୍କ ଅଭିଯୋଗ ଅନୁଯାୟୀ ଆଉ ଏକ ମାମଲା ରୁଜୁ କରିବା ସହ ଘଟଣାରେ ସମ୍ପୃକ୍ତ ଉକ୍ତ ହୋଷ୍ଟେଲରେ କାର୍ଯ୍ୟରତ ଜଣେ ଅଧ୍ୟାପକ ଙ୍କ ସମେତ 3 ଜଣଙ୍କୁ ପୋଲିସ ଉଠାଇନେଇ ସଦର ଥାନାରେ ପଚରା ଉଚରା କରୁଛି ।
