ଭଞ୍ଜନଗର, ଜୟକୃଷ୍ଣ ପଟ୍ଟନାୟକ
ଭଞ୍ଜନଗର ବ୍ଲକ ଅନ୍ତର୍ଗତ ମୁଜାଗଡ଼ ପଞ୍ଚାୟତର ବୁଦୁଲି ଓ ମୁଜାଗଡ଼ ଗ୍ରାମରେ ୨ଜଣ କରୋନା ପଜିଟିଭ ଚିହ୍ନଟ ହେବା ପରେ ସ୍ଥାନୀୟ ସରପଞ୍ଚ ଶିବ ଶଙ୍କର ପ୍ରଧାନ ଜନସାଧାରଣ ଙ୍କ ସୁରକ୍ଷା ଓ ସଂକ୍ରମଣ ବ୍ୟାପିବା ଆଶଙ୍କାରେ ଆଗୁଆ ପଦକ୍ଷେପ ନେଇଛନ୍ତି।ଯାହା ଫଳରେ ଏହି ପଞ୍ଚାୟତ କୁ ଆସନ୍ତା କାଲି ଠାରୁ ୧୬ତାରିଖ ପର୍ଯ୍ୟନ୍ତ ୭ଦିନିଆ ସଟ ଡାଉନ କରିବା ପାଇଁ ଆଜି ଭଞ୍ଜନଗର ବିଡ଼ିଓ ଅନୀଲ କୁମାର ସେଠୀଙ୍କୁ ଲିଖିତ ଭାବେ ଜଣାଇଛନ୍ତି।ପଞ୍ଚାୟତରେ ସମସ୍ତ ଦୋକାନ ବଜାର,ଗାଡ଼ି ମଟର ବନ୍ଦ ରହିବା ସହ ଲୋକଙ୍କ ଯାତାୟାତ ଉପରେ କଟକଣା ଲଗାଯାଇଛି।
