କୈଳାଶ ଚନ୍ଦ୍ର ପଣ୍ଡା, ପୁରୀ,୦୫/୦୭ /୨୦୨୦,ଆଜି ଆଷାଢ଼ ମାସ ଶୁକ୍ଲପକ୍ଷ ପୂର୍ଣ୍ଣିମା ଅବସରରେ ସିଂହଦ୍ୱାର ସ୍ଥିତ ବଡ଼ଛତା ମଠରେ ଗୁରୁ ପୁର୍ଣିମା ପାଳନ ହୋଇଥିଲା |ମଠର ପରମ୍ପରା ଅନୁଯାୟୀ ମହନ୍ତ ଶ୍ରୀ ବଳଦେବ ଦାସଜୀ ମହାରାଜଙ୍କ ଦ୍ୱାରା ମଠରେ ଅଧିଷ୍ଠିତ ଦେବଦେବୀଙ୍କର ନୀତିକାନ୍ତି ସମ୍ପନ୍ନ ହେବାପରେ ଶ୍ରୀ ମହନ୍ତ ମହାରାଜ ଗାଦୀସିନ ହୋଇଥିଲେ |ଏହାପରେ ମହାରାଜଙ୍କର ସମସ୍ତ ଚେଲା ଏବଂ ଭକ୍ତ ମାନେ ମହନ୍ତ ମହାରାଜଙ୍କୁ ମଠର ପରମ୍ପରା ଏବଂ ରୀତିନୀତି ଅନୁଯାୟୀ ଗୁରୁପୂଜା କରିଥିଲେ |ଏହି ସମୟରେ ମଠର ମହନ୍ତ ମହାରାଜଙ୍କ ବ୍ୟତୀତ ମଠର ପୂଜାରୀ ଶ୍ରୀ ଜଗନ୍ନାଥ ଦାସଜୀ ମହାରାଜଙ୍କ ସହିତ ଅନ୍ୟ ଚେଲା ମାନେ ଉପସ୍ଥିତ ଥିଲେ |ଶାସ୍ତ୍ର ଅନୁସାରେ ଗୁରୁଙ୍କ ସ୍ଥାନ ସବୁଠୁ ଶ୍ରେଷ୍ଠ | “ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁ ଦେବ ମହେଶ୍ୱର ” | ଗୁରୁ ସାକ୍ଷାତ ପରଂବ୍ରହ୍ମ ତସମୈ ଶ୍ରୀ ଗୁରୁଃବେ ନମଃ ||
