ନୂଆଦିଲ୍ଲୀ– ରବିବାର ସକାଳ ସାଢ଼େ ୬ଟା ସୁଦ୍ଧା ବିଶ୍ୱରେ ୮୯ ଲକ୍ଷ ୧୩ ହଜାର ୫୨୪ ଜଣ ଲୋକ କରୋନା ଭାଇରସରେ ସଂକ୍ରମିତ ହୋଇଥିବା ବେଳେ ୪ ଲକ୍ଷ ୬୬ ହଜାର ୬୮୪ ଜଣଙ୍କର ମୃତ୍ୟୁ ହୋଇଛି । ଚୀନର ଉହାନ ସହରରୁ ବ୍ୟାପିଥିବା ଏହି ମାରାତ୍ମକ ଭାଇରସରୁ ୪୭ ଲକ୍ଷ ୩୭ ହଜାର ୯୫୧ ଜଣ ସୁସ୍ଥ ହୋଇଥିବା ବେଳେ ୩୭ ଲକ୍ଷ ୮ ହଜାର ୮୮୯ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ମୋଟ ୫୪ ହଜାର ୫୦୩ ଜଣ ଗୁରୁତର ଅଛନ୍ତି ।
ଯୁକ୍ତରାଷ୍ଟ୍ର ଆମେରିକାରେ କରୋନା ଭାଇରସ ସଂକ୍ରମିତ ଲୋକଙ୍କର ସଂଖ୍ୟା ୨୩ ଲକ୍ଷ ୩୦ ହଜାର ୫୭୮ରେ ପହଞ୍ଚିଛି । ଏଠାରେ ୧ ଲକ୍ଷ ୨୧ ହଜାର ୯୮୦ ଜଣଙ୍କର ମୃତ୍ୟୁ ହୋଇଥିବା ବେଳେ ୧୬ ହଜାର ୫୨୯ ଜଣ ଗୁରୁତର ଅଛନ୍ତି । ଅପରପକ୍ଷେ ୯ ଲକ୍ଷ ୭୨ ହଜାର ୯୪୧ ଜଣ ସୁସ୍ଥ ହୋଇଥିବା ବେଳେ ୧୨ ଲକ୍ଷ ୩୫ ହଜାର ୬୫୭ ଜଣ ସକ୍ରିୟ ଆକ୍ରାନ୍ତ ଅଛନ୍ତି ।
