-
ଅଭିଯୁକ୍ତ ସ୍ୱାମୀ ଗିରଫ
ବାରିପଦା -ଘରକୁ ସ୍ତ୍ରୀ ବିଳମ୍ବରେ ଫେରିବାକୁ ନେଇ ସ୍ୱାମୀ ଓ ସ୍ତ୍ରୀ ମଧ୍ୟରେ କଳହ । ସ୍ୱାମୀ ଆକ୍ରମଣରେ ସ୍ତ୍ରୀ ଗୁରୁତ୍ତର ଭାବେ ଆହତ । ଚିକିତ୍ସା ନିମନ୍ତେ ବାରିପଦା ପିଆରଏମ ମେଡିକାଲରେ ଭର୍ତ୍ତି ହୋଇଥିବା ଅବସ୍ଥାରେ ମୃତ୍ୟୁ । ଏହାକୁ ନେଇ ବାରିପଦା ସଦର ଥାନାରେ ଲିଖିତ ଅଭିଯୋଗ ପରେ ପୁଲିସ ପହଂଚି ଶବ ଜବତ କରିଛି ।ଏଥି ସହ ଥାନାରେ ୮୧/୨୦୨୦ରେ ଏକ ମାମଲା ରୁଜୁ କରି ସ୍ୱାମୀକୁ ଗିରଫ କରିଛି । ବାରିପଦା ସଦର ଥାନା ଆଇଆଇସି ପ୍ରେମଦା ନାୟକଙ୍କ କହିବା ଅନୁସାରେ ଗତ ଜୁନ ୧୫ରେ ରଜପର୍ବ ପାଳନ ସମୟରେ ବଇଦପୁର ଗ୍ରାମର ଭାଗୀରଥି ସୋରେନଙ୍କ ସ୍ତ୍ରୀ ସୋମବାରୀ ସୋରେନ ଘରକୁ ବିଳମ୍ବରେ ଫେରିଥିଲା । ଏହାକୁ ନେଇ ସ୍ୱାମୀ ଭାଗୀରଥି ତାର ସ୍ତ୍ରୀ ସୋମବାରୀଙ୍କୁ ପିଟାମରା କରିଥିଲେ । ଏଥିରେ ସେ ଗୁରୁତ୍ତର ଭାବେ ଆହତ ହୋଇଥିଲେ । ଗତ ଜୁନ ୧୯ରେ ଚିକିତ୍ସା ନିମନ୍ତେ ବାରିପଦା ପିଆରଏମ ମେଡିକାଲରେ ଭର୍ତ୍ତି ହୋଇଥିବା ବେଳେ ସୋମବାରୀର ମୃତ୍ୟୁ ହୋଇଥିବା ବିଷୟଜୁ ନେଇ ବାରିପଦା ସଦର ଥାନାରେ ଅଭିଯୋଗ ହୋଇଥିଲା ।
