ଭୁୁବନେଶ୍ୱର – ଭୁବନେଶ୍ୱର ୟୁନିଟ୍-୪, ପୁରୁଣା ଏ.ଜି. କଲୋନୀସ୍ଥିତ ଦୁର୍ଗାମଣ୍ଡପ ପଡ଼ିଆରେ ଶୁକ୍ରବାର ଦିନ ଅଲ ଓଡ଼ିଶା ଟେଲର ଶ୍ରମିକ ଆସୋସିଏସନ ତରଫରୁ କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ବି.ଏମ୍.ସି.ର ସଫେଇ କର୍ମଚାରୀମାନଙ୍କୁ ସେମାନଙ୍କର ସେବା ମନୋବୃତି ପାଇଁ ଉତ୍ସାହିତ କରାଯିବା ସଙ୍ଗେସଙ୍ଗେ ରନ୍ଧାଖାଦ୍ୟ, ଶୁଖିଲା ଖାଦ୍ୟ, ସାନିଟାଇଜର, ହାଣ୍ଡୱାସ୍ ଓ ମାସ୍କ ବଂଟନ କରାଯାଇଥିଲା । ଏହି କାର୍ଯ୍ୟକ୍ରମରେ ସଂଘର ସଭାନେତ୍ରୀ ଶ୍ରୀମତୀ ସନ୍ଧ୍ୟାରାଣୀ ପରିଡ଼ା, ଉପଦେଷ୍ଟା ନରେନ ସାହୁ, ସମ୍ପାଦିକା କବିତା ସ୍ୱାଇଁ, କଟକ ଜିଲ୍ଲା ସଭାପତି ସବିର୍ ଭାଇଙ୍କ ନେତୃତ୍ୱରେ ସୁରୁଖୁରୁରେ କାର୍ଯ୍ୟ ସମ୍ପାଦନ ହୋଇଥିଲା । ଅନ୍ୟମାନଙ୍କ ମଧ୍ୟରେ ପ୍ରକାଶ ପାତ୍ର, ଗୀତା ମହାନ୍ତି, ନମିତା ଘଡେଇ, ସୁମିତ୍ରା ଜେନା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
