ମାଲକାନଗିରି– ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ରାଜ୍ୟ ବିଜାପୁର ଜିଲ୍ଲା ମିରତୁର ଥାନା ଅନ୍ତର୍ଗତ ବେଡାପାଲ ଓ ହୂରପାଲ ଗ୍ରାମ ମଧ୍ୟବର୍ତ୍ତୀ ଜଙ୍ଗଲରେ ଯବାନ ଓ ମାଓବାଦୀଙ୍କ ମଧ୍ୟରେ ମଙ୍ଗଳବାର ସକାଳୁ ହୋଇଥିବା ଗୁଳିବିନିମୟରେ ଜଣେ ପୁରସ୍କାର ଘୋଷିତ ମାଓ କମାଣ୍ଡର ନିହତ ହୋଇଥିବାବେଳେ ଘଟଣାସ୍ଥଳରୁ ଯବାନ ମାନେ ବିପୁଳ ଅସ୍ତ୍ରଶସ୍ତ୍ର ଓ ଅନ୍ୟାନ୍ୟ ମାଓ ସାମଗ୍ରୀ ଜବତ କରିଥିବା ବିଜାପୁର ଏସପି କମଳଲୋଚନ କଶ୍ୟପ ପ୍ରକାଶ କରିଛନ୍ତି ।
ପୋଲିସ ସୂଚନା ଅନୁଯାଇ, ଉକ୍ତ ଜଙ୍ଗଲରେ ମାଓ କ୍ୟାମ୍ପ ଚାଲିଥିବା ଖବର ପାଇ ବିଜାପୁର ଜିଲ୍ଲା ଓ ଦନ୍ତେୱାଡା ଜିଲ୍ଲା ଡିଆରଜି ଏବଂ ସିଆରପିଏଫ ଯବାନ ମିଳିତ ଅପରେସନରେ ଘଟଣାସ୍ଥଳକୁ ଯାଇଥିଲେ । ଏହି ସମୟରେ ଉଭୟଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଯବାନଙ୍କ ଗୁଳିରେ ୮ଲକ୍ଷ ଟଙ୍କା ପୁରସ୍କାର ଘୋଷିତ କମ୍ପାନୀ -୨ ର ସେକ୍ସନ କମାଣ୍ଡର ଦଶରୁ ନିହତ ହୋଇଥିଲା । ଘଟଣାସ୍ଥଳରୁ ଯବାନ ମାନେ ଖାନତଲାସୀ କରି ବହୁ ପରିମାଣର ଅସ୍ତ୍ର ଶସ୍ତ୍ର ଓ ଅନ୍ୟାନ୍ୟ ମାଓ ସାମ୍ରଗୀ ଜବତ କରିଛନ୍ତି ।
