ନୂଆଦିଲ୍ଲୀ- କୋଭିଡ-୧୯ ମହାମାରୀର ପ୍ରଭାବ ଦେଶରେ ଲଗାତାର ବଢିବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ବଢିବା ସହିତ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ଘଟିବାରେ ଲାଗିଛି । ଏହା ମଧ୍ୟରେ କରୋନା ଭାଇରସ୍ କାରଣରୁ ଗୁଜରାଟ କଂଗ୍ରେସର ନେତା ବଦରୁଦ୍ଦୀନ ଶେଖଙ୍କ ରବିବାର ରାତିରେ ପରଲୋକ ଘଟିଛି । ତାଙ୍କ ମୃତ୍ୟୁରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏବଂ ପାର୍ଟିର ବରିଷ୍ଠ ନେତା ଶକ୍ତି ସିଂହ ଗୋହିଲ ଦୁଃଖ ପ୍ରକାଶ କରିଛନ୍ତି ।
ର।।ହୁଲ ଗାନ୍ଧୀ କହିଛନ୍ତି ଗୁଜରାଟ କଂଗ୍ରେସର ବରିଷ୍ଠ ନେତା ତଥା ଅହମ୍ମଦାବାଦନଗ ନଗର ନିଗମରେ କଂଗ୍ରେସର କର୍ପୋରେଟର ବଦରୁଦ୍ଦିନ ଶେଖଙ୍କ କରୋନା ସଂକ୍ରମଣରେ ଦେହାନ୍ତ ଘଟିବାର ଖବର ଶୁଣି ଦୁଃଖିତ । ଦୁଃଖର ଏହି ସମୟରେ ମୋର ଶୋକ ସମବେଦନା ତାଙ୍କ ପରିବାର ଓ ପ୍ରିୟଜନଙ୍କ ସହ ରହିଛି ।
ବରିଷ୍ଠ ନେତା ଶକ୍ତିସିଂହ ଗୋହିଲ୍ ଟୁଇଟ୍ କରି କହିଛନ୍ତି, ଆଜି ମୋ ପାଖରେ କହିବାକୁ କିଛି ଶବ୍ଦ ନାହିଁ । ବଦରୁଭାଇ ଗୁଜରାଟ କଂଗ୍ରେସରେ ଜଣେ ମଜବୁତ ନେତା ଥିଲେ । କଂଗ୍ରେସ ପରିବାରରେ ବରିଷ୍ଠ ନେତା ବଦରୁଦ୍ଦିନଙ୍କୁ ମୁଁ ଗତ ୪୦ ବର୍ଷରୁ ଜାଣିଛି, ଯେବେ ସେ ୟୁଥ କଂଗ୍ରେସରେ ଥିଲେ । ସେ ଲଗାତାର ଗରିବଙ୍କ ପାଇଁ କାମ କରୁଥିଲେ ।
ଉଲ୍ଲେଖନୀୟ ଅହମ୍ମଦାବାଦ ନଗର ନିଗମରେ କର୍ପୋରେଟର ବଦରୁଦ୍ଦିନ ଶେଖଙ୍କ ରବିବାର ପରଲୋକ ଘଟିଛି । କରୋନା ସଂକ୍ରମଣ କାରଣରୁ ତାଙ୍କୁ ଗତ ସପ୍ତାହରେ ଏସଭିପି ଡାକ୍ତରଖାନାରେ ଭର୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି ।
