ରାଉରକେଲା– ରାଉରକେଲା ସହରର ଟ୍ରକ ପାର୍କିଂ ଅଂଚଳରେ ଅଗ୍ନିକାଣ୍ଡ ଘଟି ସେଠାରେ ଥିବା ଦୋକାନ ମଧ୍ୟରୁ ୧୦ଟି ଦୋକାନ ଜଳିଯାଇଥିବା ଜଣାପଡିଛି । ଘଟଣା ଘଟିଛି ଗତକାଲି ବିଳମ୍ବିତ ରାତିରେ ।
ରାଉରକେଲା ସିଭିଲଟାଉନ ଅଂଚଳକୁ ଲାଗି ରହିଥିବା ଏକ ଟ୍ରକ୍ ଟର୍ମିନାଲ ପାଖରେ ସରକାରୀ ଯାଗାରେ କିଛି ଗାଡି ମରାମତି ଦୋକାନ ସମେତ କିଛି ଖାଇବା ଦୋକାନ କରି କେତେକ ଲୋକ ଚଳୁଥିଲେ । ଏହାଦ୍ୱାରା ସେଠାରେ ଠିଆ ହେଉଥିବା ଟ୍ରକ ଗୁଡିକର କର୍ମଚାରୀ ଓ ମାଲିକ ମାନେ ମଧ୍ୟ ଉପକୃତ ହେଉଥିଲେ । ଗତକାଲି ରାତି ପ୍ରାୟ ୧୨ଟା ବେଳେ କୌଣସି କାରଣରୁ ଗୋଟାଏ ଦୋକାନକୁ ନିଆଁ ଲାଗି ଆଖ ପାଖରେ ଥିବା ଦୋକାନ ଗୁଡିକୁ ବ୍ୟାପୀଥିଲା । ଫଳରେ ସେହି ଦୋକାନ ଗୁଡିକରେ ଥିବା ସମସ୍ତ ସାମଗ୍ରୀ ଜଳି ପୋଡି ପାଉଁଶ ହୋଇଯାଇଥିବା ଦେଖାଯାଇଛି । ଖବର ପାଇ ଅଗ୍ନୀଶମ ବିଭାଗର ୪ଟି ଗାଡି ସେଠାରେ ପହଁଚି ନିଆଁକୁ ଆୟତ କରିଥିଲେ । ପରେ ରାଉରକେଲା ବିଧାୟକ ସାରଦା ନାୟକ ସେଠାରେ ପହଁଚି ଦୋକାନ ମାଲିକ ମାନଙ୍କୁ ଆଶ୍ୱାସନା ଦେଇଛନ୍ତି । ସବୁଠୁ ବଡ କଥା ହେଲା ଦୋକାନ ଗୁଡିକ ଜଳିଥିଲେ ବି ସେଠାରେ ଥିବା ଟ୍ରକ ଗୁଡିକ ଜଳିନାହିଁ । ତେବେ ଅଗ୍ନିକାଣ୍ଡର କାରଣ ସର୍ଟ ସର୍କିଟ ବୋଲି କୁହାଯାଉଥିବା ବେଳେ ପ୍ରକୃତ କାରଣ ଖୋଜୁଛି ପୋଲିସ ।
