ଭଞ୍ଜନଗର – ଆଜି ଦିନ 4ଟା ସମୟରେ 2 ଟି ବାଇକ ମୁଁହାମୁଁହି ଧକ୍କା ହେବା ଫଳରେ ତାରସିଂ ଥାନା ହଳନ୍ଦ ଖୋଳା ଗ୍ରାମର ରବୀନ୍ଦ୍ର ପାତ୍ର (46) ଗୁରୁତର ଆହତ ହୋଇଥିବା ବେଳେ ଗାଙ୍ଗପୁର ଥାନା ବଡ ଦୋଡ଼ଙ୍ଗା ଗ୍ରାମର ପ୍ରେମାନନ୍ଦ ନାୟକ (27) ହେଲମେଟ ପିନ୍ଧି ଥିବାରୁ ଉକ୍ତ ଦୁର୍ଘଟଣା ରେ ସାମାନ୍ୟ ଆହତ ହୋଇ ଏକ ବଡ଼ ବିପଦ ରୁ ରକ୍ଷା ପାଇ ଯାଇଥିଲେ l ସୂଚନା ମୁତାବକ ରବୀନ୍ଦ୍ର ଗାଡ଼ି ବୀମା କାର୍ଯ୍ୟ ସାରି ଗ୍ରାମକୁ ବାଇକ ରେ ଫେରୁଥିବା ବେଳେ ବ୍ଲକ ଛକ ବାଗଦେବୀ ମନ୍ଦିର ନିକଟରେ ପଢ଼ାଳ ଗ୍ରାମରୁ ଫେରୁଥିବା ପ୍ରେମାନନ୍ଦ ଙ୍କ ବାଇକ ସହ ଧକ୍କା ହୋଇଥିଲା l ହେଲେ ରବୀନ୍ଦ୍ର ହେଲମେଟ ପିନ୍ଧିଥିଲେ ମଧ୍ୟ ତାହାକୁ ଲକ କରି ନଥିବାରୁ ଦୁର୍ଘଟଣା ଯୋଗୁଁ ତାର ମୁଣ୍ଡରୁ ହେଲମେଟ ଟି ବାହାରି ପଡିଥିଲା l ଫଳରେ ରାସ୍ତାରେ ରେ କଚାଡି ହୋଇ ପଡିବା ଦ୍ୱାରା ତାର ମୁଣ୍ଡ ରେ ଗଭୀର ଆଘାତ ଲାଗିଥିବାରୁ ତାଙ୍କ ଅବସ୍ଥା ଗୁରୁତର ଥିବାରୁ ଏଠାରୁ ତାକୁ ବ୍ରହ୍ମପୁର ମେଡିକାଲ ପଠାଯାଇଛି l
