ଭଞ୍ଜନଗର, ଜୟକୃଷ୍ଣ ପଟ୍ଟନାୟକ – କୋଭିଡ-୧୯ କୁ ନେଇ ସାରାଦେଶରେ ଚର୍ଚ୍ଚା ଚାଲିଥିବା ବେଳେ ଏହାକୁ ମୁକାବିଲା କରିବା ପାଇଁ ସରକାରଙ୍କ ତରଫରୁ ଲକ ଡାଉନ ଘୋଷଣା କରାଯାଇଛି।ଯାହାଫଳରେ ଚାରିଆଡ଼େ ଦୋକାନ ବଜାର ବନ୍ଦ କରିବା ପାଇଁ ନିର୍ଦେଶ ଦିଆଯାଇଛି।କେବଳ ଅତ୍ୟାବଶ୍ୟକ ସାମଗ୍ରୀ ଓ ପନିପରିବା ଦୋକାନ ପାଇଁ ନିୟମ ଟିକିଏ କୋହଳ କରାଯାଇଛି।ଏଭଳି ପରିସ୍ଥିତିରେ ଭଞ୍ଜନଗର ସହରରେ ଅନେକ ବୁଲା ଗାଈ ଗୋରୁ,କୁକୁର ଓ ପଶୁପକ୍ଷୀ ଙ୍କ ଅବସ୍ଥା କହିଲେ ନସରେ।ଖାଇବାକୁ ନପାଇ ଭୋକ ଉପାସରେ ରେ ସେମାନେ ଏଣେତେଣେ ଘୁରି ବୁଲୁଥିବା ଦେଖିବାକୁ ମିଳୁଛି।ଏହାଦେଖି ଭଞ୍ଜନଗର ଏନ ଏ ସି ୯ ନମ୍ବର ୱାର୍ଡର କିଛି ଯୁବକ ଏକାଠି ହୋଇ ନିଜ ଖର୍ଚ୍ଚରେ ପନିପରିବା ଓ ଭିଭିନ୍ନ ଖାଦ୍ୟ ସାମଗ୍ରୀ ଯୋଗଡ କରି ସହରରେ ବୁଲୁଥିବା ଏହି ଅସହାୟ ଜୀବଜନ୍ତୁ ଙ୍କୁ ପ୍ରତିଦିନ ଖାଦ୍ୟ ଯୋଗାଉଛନ୍ତି।ତାଙ୍କର ଏହି ମହାନ କାର୍ଯ୍ୟକୁ ସ୍ଥାନୀୟ ଜନସାଧାରଣ ବେଶ ପ୍ରଶଂସା କରିଛନ୍ତି।
