ସୂଚନା ମୁତାବକ, କଟକ ଚୌଦ୍ୱାରରୁ ଜଣେ କଏଦୀକୁ ନେଇ ଏହି ଭ୍ୟାନ ବାଲେଶ୍ୱର ଅଭିମୁଖେ ଯାଉଥିଲା । ଜିଲାରେ ସଟ୍ ଡାଉନ ଜାରି ହୋଇଥିବା ବେଳେ ରାସ୍ତା ଖାଲି ଥିବା ସତ୍ୱେ ଏକ ଟ୍ରକ୍ ସହ ବିପରିତ ଦିଗରୁ ଆସୁଥିବା ଏହି କୋର୍ଟ ଭ୍ୟାନ୍ ମୁହାଁମୁହିଁ ଧକ୍କା ହୋଇଥିଲା । ଫଳରେ କୋର୍ଟ ଭ୍ୟାନରେ ଜଣେ ମହିଳା ପୋଲିସଙ୍କ ସହ ଅନ୍ୟ ୪ ପୁଲିସ କର୍ମଚାରୀ, ଉଭୟ ଗାଡିର ଡ୍ରାଇଭର ଓ ଟ୍ରକ୍ ହେଲପର ମଧ୍ୟ ଆହତ ହୋଇଛନ୍ତି । ଦୁର୍ଘଟଣା ପରେ ଧର୍ମଶାଳା ପୋଲିସ ସୋମାନଙ୍କୁ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଥିଲା । ସେଠାରେ ତାଙ୍କର ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ହେବାରୁ ୩ଗୋଟି ଆମ୍ବୁଲାନ୍ସ ଯୋଗେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିବା ଜଣାପଡିଛି । ତେବେ ରାସ୍ତା ଖାଲିଥିବା ବେଳେ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ତାହା ସ୍ପଷ୍ଟ ହୋଇନାହିଁ । ଅନ୍ୟପକ୍ଷରେ ଚିକିତ୍ସା ଜାରି ରହିଥିବାରୁ ଗୁରୁତର ମାନଙ୍କ ପରିଚୟ ମିଳିପାରିନାହିଁ । ପୋଲିସ ଦୁର୍ଘଟଣାଗ୍ରସ୍ତ ଦୁଇଟି ଗାଡିକୁ ଜବତ କରି ଘଟଣାର ତଦନ୍ତ ଚଳାଇଛି ।
