ମାଲକାନଗିରି– ବର୍ତମାନ ଦେଶରେ କୋରନା ଯୋଗୁ ଲକ୍ ଡାଉନ ସ୍ଥିତି ଜାରି ହୋଇଛି । ଏହାର ଫାଇଦା ନେବାକୁ କିଛି ବେପାରୀ ଅତ୍ୟାବଶକ ସାମ୍ରଗୀକୁ କଳା ବଜାରୀ କରିବାକୁ ପଛାଉ ନାହାନ୍ତି । ଶୁକ୍ରବାର ରାତ୍ରରେ ମାଲକାନଗିରି ସଦର ମହକୁମା ରିକ୍ଲାମେସନ କଲୋନୀରୁ ଏକ ଆମ୍ବୁଲାନ୍ସ ଗାଡ଼ିରେ ଆଳୁ କଳାବଜାରୀ ପାଇଁ ପଠାଯିବାକୁ ଯୋଜନା ଚାଲୁଥିବା ମାଲକାନଗିରି ପୋଲିସକୁ ସୂଚନା ମିଳିଥିଲା । ଉକ୍ତ ସୂଚନାକୁ ଆଧାର କରି ମାଲକାନଗିରି ଥାନା ଆଇଆଇସି ରାମପ୍ରସାଦ ନାଗ ଓ ତହସିଲଦାର ଗୁଣନିଧି ନାୟକ ପୋଲିସ ଫୋର୍ସ ସହ ରାତ୍ର ୧ ୧ ଟା ୩ 0 ମିିନିଟ୍ ସମୟରେ ରିକ୍ଲାମେସନ କଲୋନୀକୁ ଯାଇ ଟ୍ରକ୍ ନମ୍ବର ଓଆର ୧0ଏଫ6964 ରେ ଆଳୁ ଭର୍ତି ହୋଇ କଳାବଜାରୀ ପାଇଁ ପଠାଇବା ନିମନ୍ତେ ଆମ୍ବୁଲାନ୍ସ ଗାଡିକୁ ଜଗିଥିବା ଦେଖିବାକୁ ପାଇଥିଲେ । ତୁରନ୍ତ ଟ୍ରକକୁ ଜବତ କରିବା ସହ ଆଳୁ ହୋଲସେଲର ହରିପଦ ସରକାର ଓ ଡ୍ରାଇଭର ଚିରଞ୍ଜୀବ ଚକ୍ରବର୍ତିକୁ ଗିରଫ କରି ଥାନାକୁ ଆଣିଥିଲେ । ଆଗକୁ ଏହିପରି କଳାବେପାରୀଙ୍କ ଉପରେ ଅଙ୍କୁଶ ଲଗାଇବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର ଟିମ୍ କରିବା ପାଇଁ ଜିଲ୍ଲାପାଳ ଜଣାଇଛନ୍ତି ।
