ଗାଙ୍ଗପୁର/ବେଲଗୁଣ୍ଠI, ବେଲଗୁଣ୍ଠI ପଞ୍ଚାୟତ ସମିତି ଅନ୍ତର୍ଗତ କ୍ଷତ୍ରିୟବରପୁର ସ୍ଥିତ MCC ଏକାଡେମୀ ଠାରେ ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଆନୁକୂଲ୍ୟରେ ଜିଲ୍ଲା ନେହେରୁ ଯୁବ କେନ୍ଦ୍ର ତରଫରୁ ଏକ କମ୍ପ୍ୟୁଟର୍ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି l ଓମ୍ ମାଆ ନାରାୟଣୀ ଯୁବ ସେବା ସଂଘ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ 5 ଟି ଗ୍ରାମର 22 ଜଣ ପ୍ରଶିକ୍ଷାର୍ଥୀଙ୍କୁ 3 ମାସ ପର୍ଯ୍ୟନ୍ତ ମାଗଣା କମ୍ପ୍ୟୁଟର୍ ଶିକ୍ଷା ପ୍ରଦାନ କରାଯାଇଥିବା ବେଳେ ସମସ୍ତ ପ୍ରଶିକ୍ଷାର୍ଥୀଙ୍କୁ କମ୍ପ୍ୟୁଟର୍ ପାଠ୍ୟ ଉପକରଣ ବଣ୍ଟନ କରାଯାଇଥିଲା l ବର୍ତ୍ତମାନ ଡ଼ିଜିଟାଲ୍ ଯୁଗରେ ଦୈନନ୍ଦିନ ଜୀବନରେ କମ୍ପ୍ୟୁଟର୍ ଶିକ୍ଷାର ମହତ୍ତ୍ଵକୁ ଦୃଷ୍ଟିରେ ରଖି କାର୍ଯ୍ୟକ୍ରମଟିକୁ ଅତି ଶୃଙ୍ଖଳିତ ଭାବେ ଆୟୋଜିତ କରାଯାଇଥିଲା l କାର୍ଯ୍ୟକ୍ରମ ଶେଷରେ ନେହେରୁ ଯୁବ କେନ୍ଦ୍ର ତରଫରୁ ସ୍ଵେଚ୍ଛାସେବୀ ଦୀପ୍ତିମୟୀ ବେହେରା ଧନ୍ୟବାଦ ଦେଇ କାର୍ଯ୍ୟକ୍ରମର ପରିସମାପ୍ତି ଘଟାଇଥିଲେ l
ଶିବରାମ ଚୌଧୁରୀ
