ଧର୍ମଗଡ଼- କଳାହାଣ୍ଡି ଜିଲ୍ଲା କୋକସରା ବ୍ଲକ୍ ଫୁଫଗା – ସିର୍ଲିଗୁଡ଼ା ରାସ୍ତା କଡ଼ରେ ଥିବା ଏକ ଖଜୁରୀ ଗଛ ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକଙ୍କ ନାମ ବ୍ରଜେଶ ମାଝି । ତାଙ୍କ ଘର କେସିଙ୍ଗା ସହରରେ ବୋଲି ଜଣାପଡିଛି । ବ୍ରଜେଶଙ୍କ ମୃତଦେହ ନିକଟରେ ଏକ ବାଇକ୍ ପଡିଥିବା ଦେଖିବାକୁ ମିଳିଛି । ତେବେ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଛି କିମ୍ବା ତାଙ୍କୁ ହତ୍ୟା କରାଯାଇଛି ତାହା ସ୍ପଷ୍ଟ ହୋଇନାହିଁ ।
ଆଜି ସକାଳେ ରାସ୍ତା କଡ଼ରେ ଥିବା ଖଜୁରୀ ଗଛ ନିକଟରେ ତାଙ୍କ ମୃତଦେହ ପଡିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରି ବ୍ୟବଚ୍ଛେଦ ନିମନ୍ତେ କୋକସରା ଡ଼ାକ୍ତରଖାନାକୁ ପଠାଇଛି । ଏନେଇ ଅଧିକ ଛାନଭିନ୍ ଜାରୀ ରଖିଛି ।
