ରାୟଗଡ଼ା– ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ଅଙ୍ଗୁରୁ ଗାଁ ନିକଟରେ ସଡ଼କ ଦୁର୍ଘଟଣାରେ ଦୁଇ ଜଣ ଯୁବକଙ୍କ ମୃତ୍ୟୁ ଘଟିଛି । ମୃତକ ଦ୍ୱୟ ହେଲେ ବୃନ୍ଦାବନ କର୍କରିଆ ଓ ସଞ୍ଜୟ କର୍କରିଆ । ଉଭୟଙ୍କ ଘର କଲ୍ୟାଣସିଂହପୁର ବ୍ଲକ ଅଧିନସ୍ଥ କୁର୍ଥେଲି ଗ୍ରାମରେ ।
ଗତକାଲି ରାତି ପ୍ରାୟ ସାଢ଼େ ୧୧ଟା ସମୟରେ ଏହି ଦୁର୍ଘଟଣା ଘଟିଥିଲା । ବୃନ୍ଦାବନ ଓ ସଞ୍ଜୟ ଏକ ବାଇକ୍ ଯୋଗେ ରାୟଗଡ଼ାରୁ ହୋଟେଲ କାମ ସାରି ନିଜ ଗାଁକୁ ଫେରୁଥିବା ବେଳେ ଅଙ୍ଗୁରୁ ନିକଟରେ ରାସ୍ତା ଉପରେ ଖରାପ ହୋଇ ପଡି ରହିଥିବା ଏକ ଟ୍ରାକ୍ଟର ଡ଼ାଲା ପଛରେ ଧକ୍କା ଦେଇଥିଲେ । ଫଳରେ ଘଟଣାସ୍ଥଳରେ ଉଭୟଙ୍କର ମୃତ୍ୟୁ ଘଟିଥିଲା । ଖବର ପାଇ ଚାନ୍ଦିଲି ପୋଲିସ ମୃତକ ଦ୍ୱୟଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଘଟଣାର ତଦନ୍ତ ଆରମ୍ଭ କରିଛି ।
