ନୂଆଦିଲ୍ଲୀ ଉତର ପୂର୍ବ ଦିଲ୍ଲୀରେ ହିଂସା କାରଣରୁ ଜଣେ ପୋଲିସ କନେଷ୍ଟବଳ ସମେତ ଅନେକ ଲୋକଙ୍କର ମୃତ୍ୟୁ ହୋଇ ସାରିଥିବା ବେଳେ ମଙ୍ଗଳବାର ବିଳମ୍ବିତ ରାତ୍ରୀରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ହିଂସା ପ୍ରଭାବିତ ଅଂଚଳ ଗସ୍ତ କରିଛନ୍ତିା ସେ ଗାଡିରେ ଦିଲ୍ଲୀର ସିଲମପୁର, ଭଜନପୁରା, ମୌଜପୁର, ଯମୁନା ବିହାର ଭଳି ହିଂସା ପ୍ରଭାବିତ ଅଂଚଳ ଗସ୍ତ କରିଛନ୍ତି ।
ଏହା ବାଦ ସେ ଦିଲ୍ଲୀର ସିଲମପୁର ସ୍ଥିତ ଉତରପୂର୍ବ ଦିଲ୍ଲୀର ଡିସିପି ଅଫିସରେ ପହଂଚି ଏ ସମ୍ପର୍କରେ ସ୍ଥିତିର ସମୀକ୍ଷା କରିଛନ୍ତି । ଏହି ବୈଠକରେ ଦିଲ୍ଲୀ ପୋଲିସର ଅନ୍ୟ ବରିଷ୍ଠ ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ ।
