ପଶ୍ଚିମ ସିଂହଭୂମୀ– ଝାରଖଣ୍ଡର ପଶ୍ଚିମ ସିଂହଭୂମି ଜିଲ୍ଲାର ଘନ ଏବଂ ଦୁର୍ଗମ ସାରଣ୍ଡା ଜଙ୍ଗଲରେ ଗୁରୁବାର ସକାଳେ ସୁରକ୍ଷାବଳ ଓ ଭାକପା (ମାଓବାଦୀ) ନକ୍ସଲୀ ସଂଗଠନ ମଧ୍ୟରେ ଭୟଙ୍କର ମୁହାଁମୁହିଁ ଆରମ୍ଭ ହୋଇଯାଇଛି। ଛୋଟାନାଗରା ଥାନା ଅଞ୍ଚଳରେ ଘଟିଥିବା ଏହି ମୁହାଁମୁହିଁରେ ଦୁଇପକ୍ଷରୁ ଦୀର୍ଘ ସମୟ ଧରି ଗୁଳିବର୍ଷା ଚାଲିଥିଲା। ପ୍ରାରମ୍ଭିକ ସୂଚନା ଅନୁସାରେ ଏହି ମୁହାଁମୁହିଁରେ ଅନେକ ମାଓବାଦୀ ମୃତ୍ୟୁବରଣ କରିଥିବା ଆଶଙ୍କା କରାଯାଉଛି। ତେବେ ସୁରକ୍ଷାବଳଙ୍କ ପକ୍ଷରୁ ଏପର୍ଯ୍ୟନ୍ତ ଏହାର ଆଧିକାରିକ ସୁନିଶ୍ଚିତି ମିଳିନାହିଁ।
ସୂଚନା ମିଳିଛି ଯେ ସିଆରପିଏଫ୍ ଏବଂ ଝାରଖଣ୍ଡ ପୋଲିସର ବରିଷ୍ଠ ଅଧିକାରୀମାନଙ୍କୁ ସାରଣ୍ଡାର ଜଙ୍ଗଲୀ ଅଞ୍ଚଳରେ ନକ୍ସଲୀମାନଙ୍କ ଉପସ୍ଥିତି ସମ୍ବନ୍ଧରେ ଗୁପ୍ତ ସୂଚନା ମିଳିଥିଲା। ଏହି ସୂଚନା ଆଧାରରେ କୋବ୍ରା, ଝାରଖଣ୍ଡ ଜଗୁଆର ଓ ଜିଲ୍ଲା ପୋଲିସର ଯୁକ୍ତ ଦଳ ଏହି ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲେ। ସୁରକ୍ଷାବଳ ଯେତେବେଳେ ନକ୍ସଲମାନଙ୍କ ଠିକଣା ନିକଟରେ ପହଞ୍ଚିଥିଲେ, ନକ୍ସଲମାନେ ଗୁଳିବର୍ଷା ଆରମ୍ଭ କରିଥିଲେ। ଏହା ପରେ ସୁରକ୍ଷାବଳ ମଧ୍ୟ ମୋର୍ଚ୍ଚା ସମ୍ଭାଳି ପ୍ରତ୍ୟୁତରରେ ଗୁଳିବର୍ଷା କରିଥିଲେ।
About the Author
