ସୋମନାଥ-ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର କହିଛନ୍ତି ଯେ ସୋମନାଥ ଉପରେ ଆକ୍ରମଣ ଆର୍ଥିକ ଲୁଟ ପାଇଁ ନୁହେଁ, ବରଂ ତୁଷ୍ଟିକରଣ ପାଇଁ କରାଯାଇଥିଲା। ଦୁର୍ଭାଗ୍ୟବଶତଃ ଆଜି ମଧ୍ୟ ଆମ ଦେଶରେ ସେହି ଶକ୍ତିଗୁଡ଼ିକ ଅଛନ୍ତି, ଯେଉଁମାନେ ସୋମନାଥର ପୁନର୍ନିର୍ମାଣକୁ ବିରୋଧ କରିଥିଲେ।
ସୋମନାଥ ସ୍ୱାଭିମାନ ପର୍ବ ଅବସରରେ ରବିବାର ସଦ୍ଭାବନା ଗ୍ରାଉଣ୍ଡରେ ଏକ ସଭାକୁ ସମ୍ବୋଧନ କରି ସେ କହିଛନ୍ତି ଯେ, “ଏହି ପର୍ବ ବିଧ୍ୱଂସର ନୁହେଁ, ବରଂ ୧୦୦୦ ବର୍ଷର ଯାତ୍ରାର ପର୍ବ। ସୋମନାଥକୁ ଧ୍ୱଂସ କରିବା ପାଇଁ ଅନେକ ପ୍ରୟାସ ହୋଇଛି। ସେହିପରି ବିଦେଶୀ ଆକ୍ରାନ୍ତାମାନେ ଶତାବ୍ଦୀରୁ ଶତାବ୍ଦୀ ପର୍ଯ୍ୟନ୍ତ ଭାରତକୁ ନଷ୍ଟ କରିବାକୁ ଚେଷ୍ଟା କରିଛନ୍ତି, କିନ୍ତୁ ସୋମନାଥ ନା ନଷ୍ଟ ହେଲା, ନ ଭାରତ ନଷ୍ଟ ହେଲା। କାରଣ ଭାରତ ଏବଂ ଭାରତର ଆସ୍ଥାର କେନ୍ଦ୍ରଗୁଡ଼ିକ ପରସ୍ପରରେ ଲିନ ହୋଇ ରହିଛି।”
ପ୍ରଧାନମନ୍ତ୍ରୀ କହିଛନ୍ତି, “ଆଜି ତଲୱାରର ଜାଗାରେ ଅନ୍ୟ ଉପାୟରେ ଭାରତ ବିରୋଧରେ ଷଡ଼ଯନ୍ତ୍ର ହେଉଛି, ତେଣୁ ଆମକୁ ଅଧିକ ସତର୍କ ରହିବାକୁ ପଡ଼ିବ। ଆମେ ନିଜକୁ ଶକ୍ତିଶାଳୀ କରିବାକୁ ହେବ। ଯେଉଁ ସମସ୍ତ ଶକ୍ତି ଆମକୁ ଭାଗ କରିବାର ଷଡ଼ଯନ୍ତ୍ର କରୁଛି, ସେମାନଙ୍କୁ ପରାସ୍ତ କରିବାକୁ ହେବ। ଯେତେବେଳେ ଆମେ ନିଜ ଐତିହ୍ୟ ଓ ଆସ୍ଥା ସହ ଯୋଡ଼ି ରହୁ, ସେତେବେଳେ ଆମ ସଭ୍ୟତାର ମୂଳ ଅଧିକ ମଜବୁତ ହୁଏ। ମୁଁ ଭାରତ ପାଇଁ ୧୦୦୦ ବର୍ଷର ଏକ ଭିଜନ ଦେଇଥିଲି। ଆଜି ଦେଶର ସଂସ୍କୃତିର ପୁନରୁତ୍ଥାନ କୋଟି କୋଟି ଦେଶବାସୀଙ୍କ ମନରେ ବିଶ୍ୱାସ ଭରୁଛି। ବିକଶିତ ଭାରତ ପାଇଁ ଲୋକମାନଙ୍କର ମଧ୍ୟ ଭରସା ଅଛି। ଭାରତ ନିଜ ଗୌରବକୁ ନୂଆ ଉଚ୍ଚତାକୁ ନେଇଯିବ। ଆମେ ବିକାଶର ନୂଆ ଶିଖରକୁ ସ୍ପର୍ଶ କରିବୁ। ଦେଶ ଏବେ ପ୍ରସ୍ତୁତ ହୋଇଯାଇଛି। ସୋମନାଥ ମନ୍ଦିରର ଉର୍ଜା ଆମ ସଂକଳ୍ପକୁ ଆଶୀର୍ବାଦ ଦେଉଛି, ଐତିହ୍ୟରୁ ପ୍ରେରଣା ଦେଉଛି।”
About the Author
