ଗଞ୍ଜାମ- ପାରଳାଖେମୁଣ୍ଡିରୁ ପୁରୀ ଗଞ୍ଜେଇ ଚାଲାଣ କରାଯାଉଥିବା ବେଳେ ଟ୍ରକ୍ ସହିତ ଏହାର ଡ଼୍ରାଇଭର ଦିଗପହଣ୍ଡି ପୋଲିସ ହାତରେ ଧରାପଡିଛି । ଘଟଣାରେ ଗିରଫ ଡ଼୍ରାଇଭରକୁ ଆଜି କୋର୍ଟଚାଲାଣ କରାଯାଇଛି । ଗତକାଲି ବିଳମ୍ବିତ ରାତିରେ ଏହି ଗଞ୍ଜେଇ ବୋଝେଇ ଟ୍ରକ୍ ଆସୁଥିବା ଖବର ପାଇ ପୋଲିସ ଡ଼େଙ୍ଗାଉସ୍ତା ନିକଟରେ ଟ୍ରକ୍ ଅଟକାଇ ଯାଂଚ୍ କରିଥିଲା । ଯାଂଚ୍ ବେଳେ ଟ୍ରକ୍ ରୁ ୫୯ ଟି ବସ୍ତାରେ ଥିବା ୧୯ କ୍ୱିଂଟାଲ ୧ କେଜି ଗଞ୍ଜେଇ ଜବତ ହୋଇଥିଲା । ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ । ଘଟଣାରେ ସମ୍ପୃକ୍ତ ଟ୍ରକ୍ ଡ଼୍ରାଇଭର ବିଶ୍ୱରଞ୍ଜନ ବିଶ୍ୱାଳକୁ ଗିରଫ କରାଯାଇଛି । ଦିଗପହଣ୍ଡି ଥାନା ପକ୍ଷରୁ ଏ ସଂକ୍ରାନ୍ତରେ ୨୮/୨୦ ରେ ଏକ ମାମଲା ରୁଜ୍ଜୁ ହୋଇଛି । ଗିରଫ ଅଭିଯୁକ୍ତକୁ ଆଜି କୋର୍ଟଚାଲାଣ କରାଯାଇଥିବା ନେଇ ଥାନା ଅଧିକାରୀ ବସନ୍ତ କୁମାର ସେଠୀ ସୂଚନା ଦେଇଛନ୍ତି ।
